- Biz o'tgan yili ham bu erda qiyin o'yin o'tkazgandik. O'shanda durang qayd etilgandi, men penaltidan gol ura olmagandim. Bu safar esa raqib gol urishiga kutilmaganda yordam berib yubordim. O'sha lahzada ichimda qayg'u sezdim, jamoaga ketma-ket ikkinchi yil shu erda pand berayotganim haqida o'yladim. Yaratganga shukr, barchasini o'zgartira oldik. Yaxshiboev oxirgi ikki bellashuvda zaxiradan tushib, gollari bilan bizga yordam bermoqda. Havo issiq bo'ldi, raqib yaxshi harakatlandi, lekin jamoadoshlarim bilan hamjihatlikda o'yinni foydamizga hal qildik.
Jasur hisobni tenglashtirgan payt g'alaba uchun imkon borligi to'g'risida o'yladim. Yanada ko'proq yugurib, to'pni qabul qilishga urindim. Yakunda bu samara berganidan xursandman.
Bosh sahifaga
196