Uchrashuvning 13-daqiqasida Farruh SHotursunov poytaxt viloyati vakillarini hisobda oldinga olib chiqdi. Tanaffusga qadar andijonlik SHahboz Jumaboev o'z dublini rasmiylashtirdi. Ikkinchi bo'limda Davron Isoqov va Nodir Mavlonovlar tomonidan kiritilgan gollar hisobning yirik ko'rinishini taminladi, 4:1. SHu tariqa “Andijon” o'ziga hos revansh oldi. Malumot uchun, 11 iyul kuni mazkur stadionda raqiblar o'zaro to'qnash kelishgan va unda “Nurafshon” 4:2 hisobida zafar quchgandi. Qayd etish kerak, ushbu uchrashuvda “Nurafshon” bosh murabbiyi Vohid Xolboev ham futbolchi bo'lib harakat qildi.
“Andijon” – “Nurafshon” – 4:1. CHirchiq. “Kimyogar” stadioni
Hakamlar: V.Agishev, J.Najmiddinov, SH.Yusupov
Nazoratchi – R.Qoratoev
“Andijon”: A.Ortiqov, I.Mamatkazin, D.Mamatov, X.Avilov, F.Miraxmatov, D.Hasanov, F.Bekmurodov, J.Omonov, E.Otaqulov, SH.Jumaboev, Q.Nurmetov
Zaxiradan tushganlar: N.Ribkin, S.Hamroev, N.Mavlonov, A.Mamatkazin, L.Ubaydullaev, I.Otaxonov, S.Ermatov, S.Abdullajonov, F.Abdurahmonov, D.Isoqov
“Nurafshon”: R.Yagudin, M.Qahramonov, R.Vagapov, D.Fayziev, M.To'ychiboev, D.Bahromov, F.SHotursunov, M.Rajabov, R.Veklich, A.Kamolov, O.Abduholiqov
Zaxiradan tushganlar: A.Muxamedov, A.Jadigerov, J.Rahimov, E.Ravshanov, A.Isroilov, D.Ro'zaliev, V.Xolboev
Gollar: SH.Jumaboev (28, 44), D.Isoqov (88), N.Mavlonov (90) – F.SHotursunov (13).
SHu o'yin orqali “Nurafshon” jamoasi Dukent shahrida o'tgan 10 kunlik tayyorgarlik ishlarini yakuniga etkazishdi. Unda jamoa murabbiylari V.Xolboev hamda Oleg Tyulkin asosiy etiborni futbolchilarning jismoniy tayyorgarligiga qaratishdi. Bugun jamoa azolariga dam beriladi. Ertaga esa futbolchilar A.Yassaviy nomli stadionda jismoniy tayyorgarlik bo'yicha test sinovlarini topshiradi.
Jamoa tarkibida deyarli o'zgarishlar yo'q. Elbek Ravshanov hamda Abdukarim Muxamedov yana ortga qaytishgan. Malumot uchun: Pro-liganing ikkinchi bosqichi boshlangunga qadar “SHo'rtan”, “Surxon”, O'zbekiston olimpiya terma jamoasi hamda “Dinamo” jamoalari bilan kuch sinashadi.
Bosh sahifaga
235
