O'zbekiston OTJ Osiyo chempionatiga ketish oldidan Toshkentda so'nggi mashg'ulotni o'tkazdi

2016-01-01 15:10:01 / Kiritdi: BestMaster O'qilgan: 925

Bugun 1 yanvar kuni O'zbekiston olimpiya terma jamoasi Qatarda bo'lib o'tadigan U23 Osiyo chempionatiga ketish oldidan Toshkentda mashg'ulot o'tkazdi.

Bugun jamoa azolari "City Palace" mehmonxonasida yig'ilishdi. Soat 12:30da "Jar" stadionida mashg'ulot bo'lib o'tdi. Unda Osiyo chempionatiga boradigan barcha futbolchilar ishtirok etishdi.

23 nafar futbolchidan iborat O'zbekiston olimpiya terma jamoasi 2016 yilning 2 yanvar kuni navbatdagi yig'inda ishtirok etish uchun Dubayga jo'nab ketadi. Dubay yig'ini tugagach, delegaciya yanvarda Qatarga yo'l oladi.

O'zbekiston terma jamoasi 23 yoshgacha bo'lgan futbolchilar ishtirokidagi Osiyo chempionatida “S” guruhidan Iroq, Janubiy Koreya va Yaman terma jamoalari bilan joy egallagan. 12 yanvarda start oladigan Osiyo chempionatini o'zbekistonlik olimpiyachilar 13 yanvarda Janubiy Koreyaga qarshi o'yin bilan boshlaydilar. So'ngra 16 yanvarda Iroq bilan, 19 yanvarda esa Yaman bilan o'ynaydilar.

Ushbu Osiyo chempionati Braziliyada bo'lib o'tadigan yozgi olimpiada o'yinlariga yo'llanma beruvchi turnir hisoblanib, unda Osiyoning 3 ta jamoasi, ikki finalchi va 3-o'rin uchun uchrashuv g'olibi mavjud 3 ta yo'llanmani qo'lga kiritadi.

Quyida O'zbekiston olimpiya terma jamoasining Osiyo chempionatiga boradigan 23 futbolchidan iborat tarkibini keltirib o'tamiz.

#	Ism-familiyasi	Tug'ilgan sanasi	Ampluasi	Klubi
1	Abdumavlon Abduljalilov	22.12.94	Darvozabon	“Neftchi”
2	Javohir Ilyosov	06.02.94	Darvozabon	“Mashal”
3	Asilbek Omonov	01.09.93	Darvozabon	“Qo'qon-1912”
4	Sardor Rahmonov	09.07.94	Himoyachi	“Neftchi”
5	Abdulloh Olimov	11.02.93	Himoyachi	“Paxtakor”
6	Maksimilyan Fomin	21.09.93	Himoyachi	“Buxoro”
7	Javlon Mirabdullaev	19.03.94	Himoyachi	“Metallurg”
8	Muxsinjon Ubaydullaev	15.07.94	Himoyachi	“Paxtakor”
9	Akromjon Komilov	14.03.96	Himoyachi	“Bunyodkor”
10	Doston Tursunov	13.06.95	Himoyachi	“Neftchi”
11	Jamshid Boltaboev	03.10.96	Himoyachi	“Paxtakor”
12	Vladimir Kozak	12.06.93	Himoyachi	“Paxtakor”
13	Javohir Sohibov	01.03.95	Yarim himoyachi	“Paxtakor”
14	Otabek SHukurov	22.06.96	Yarim himoyachi	“Bunyodkor”
15	Doston Hamdamov	24.07.96	Yarim himoyachi	“Bunyodkor”
16	Jaloliddin Masharipov	01.09.93	Yarim himoyachi	“Paxtakor”
17	Timur Hakimov	23.08.94	Yarim himoyachi	“Oq-tepa”
18	Jamshid Iskanderov	16.10.93	Yarim himoyachi	“Paxtakor”
19	Ikromjon Alibaev	09.01.94	Yarim himoyachi	“Lokomotiv”
20	Husniddin Gafurov	29.07.94	Yarim himoyachi	“Yavor”(Serbiya)
21	Igor Sergeev	30.04.93	Hujumchi	“Paxtakor”
22	Eldor SHomurodov	29.06.95	Hujumchi	“Bunyodkor”
23	Jasurbek Hakimov	24.05.94	Hujumchi	“So'g'diyona”

Teglar: ozbekiston, osiyo, chempionatiga, ketish, oldidan, toshkentda, songgi, mashgulotni, otkazdi,
← Oldinga Orqaga →