"Xotira-79"da yana bosh murabbiy o'zgardi

Muxlislarga yaxshi malumki, "Xotira-79" jamoasini joriy mavsumga andijonlik murabbiy Nozim Mullaoxunov tayyorlagandi. Ammo oradan ko'p o'tmay, uning o'rniga Naufal Boboev olib kelindi. Yosh murabbiyning Uychidagi faoliyati uzoqqa cho'zilmadi va boshqaruv postiga yana Mullaoxunov qaytarildi. Biroq bu safar ham Nozim Mullaoxunovning Uychidagi ishlari uzoq davom etmadi. Sababi yaqinda rahbariyat bosh murabbiyni yana o'zgartirgan. Olingan malumotlarga ko'ra, endilikda "Xotira-79" jamoasini Kamol Jo'nashev boshqaradigan bo'ldi. Jo'nashev bungacha "CHust-Paxtakor", "Imkon-Oltiariq", "Istiqlol" (Toshkent), "Navbahor" (yoshlar), "Andijon" kabi jamoalarda bosh murabbiy va yordamchi murabbiy sifatida faoliyat yuritgan. Endilikda 40 yoshli murabbiy Uychi tumani jamoasini mavsumning ikkinchi qismiga o'zi tayyorlab bormoqda.