O'FA qachon terma jamoa bosh murabbiyi nomini elon qiladi? degan juda ko'plab savollar va murojaatlar tahririyatimizga kelib tushmoqda. Minglab muxlislar biz bilan aynan shu borada bog'lanib, O'FAdan izoh olishimizni so'rashmoqda. Har bir xabarlar tagida muxlislar O'zbekiston terma jamoasi bosh murabbiyi masalasida izoh, yani fikr qoldirishmoqda.
Saytimiz xodimlari 3 kundan buyon O'FA matbuot xizmati boshlig'i Yoqubjon Bobojonov bilan bog'lanib, ayni shu savolga javob olishga urinib ko'rishdi. Ammo hozircha aniq bir nomzod haqida izoh berilgani yo'q.
O'FA matbuot xizmati xorijlik murabbiylar bilan muzokara ketayotgani va yaqin orada masala hal etilgach rasman elon qilinishi haqida malumot berdi. Ammo aniq sana yoki nomlar oshkor qilingani yo'q.
Biz O'FA xalqaro aloqalar bo'limi boshlig'i Diyor Isamiddinov bilan bog'lanishga urinib ko'rdik. Lekin hozircha bu urinishlar besamar ketdi. Ayni paytda xorijda bo'lib turgan Diyor Isamiddinov xorijlik murabbiy bilan muzokaralar o'tkazayotgani aytilmoqda.
Bosh sahifaga
1866