Musobaqa nizomiga ko'ra, bu galgi musobaqada o'n olti jamoa g'oliblik uchun kurash olib boradi. Jamoalar quraga muvofiq, to'rttadan to'rt guruhga bo'lingan holda uchrashuvlarni boshlaydi. Guruh g'oliblari yarim finalga yo'llanmani qo'lga kiritishadi.
Yashnobod tumanining “Yashnobod” jamoasi musobaqaning “V” kvartetidan joy olgan. Unda yashnobodliklar “pley-off” yo'llanmasi uchun “Bunyodkor-B”, 16-BO'SM hamda LSF futbolchilari bilan kuch sinashadi.
Musobaqaning qolgan guruhlari quyidagicha ko'rinish olgan:
“A” guruhi: “Sergeli”, “Traktor”, “Lokomotiv-2”, “Olimpik”.
“S” guruhi: “Yoshlik”, “Paxtakor-1”, “Paxtakor-2”, “Osiyo”FK.
“D” guruhi: “Oqtepa”, “Avtomobilist”, “Lokomotiv-1”, “Atletiko”.
Guruh o'yinlari 30 iyulda boshlanadi. Dastlabki turda “Yashnobod” futbolchilari o'z maydonida 16-BO'SM jamoasiga qarshi to'p sursa, ikkinchi juftlikda “Bunyodkor-B” — LSF maydonga tushadi.
Ikkinchi tur, 3 avgust
16-BO'SM — “Bunyodkor-B”, LSF — “Yashnobod”
Uchinchi tur, 7 avgust
“Yashnobod” — “Bunyodkor-B”, 16-BO'SM — LSF.
Musobaqa nizomiga ko'ra, yarim finalning dastlabki juftligida “A” va “V” guruhlari o'zaro ro'baro' kelsa, “D” va “S” guruhlari g'oliblari o'rtasidagi bahsda ikkinchi finalchi nomi aniqlanadi. Bu uchrashuvlar 11 avgust kuni bo'lib o'tishi belgilangan.
Bosh sovrin sohibi 15 avgustda bo'ladigan finaldan so'ng malum bo'ladi.
Musobaqa g'olibi mavsum oxirida PRO-ligaga yo'llanma beruvchi “pulka”da qatnashish huquqini qo'lga kiritadi.
Malumot o'rnida shuni aytish kerakki, “Yashnobod” jamoasi hozirda Toshkent shahar chempionati ikkinchi ligasida birinchi davra uchrashuvlaridan so'ng, o'z guruhida to'qqizinchi turdan so'ng, 22 ochko jamg'argan holda peshqadamlik qilyapti.
Bosh sahifaga
110