Aleksandr Ejov boshqaruvidagi Urganchning "Xorazm" jamoasi poytaxtimizdagi "Geofizika" qarorgohida kuniga ikki mahaldan mashg'ulot o'tkazmoqda. Jamoa kecha Termizning "Surxon" jamoasiga qarshi nazorat uchrashuvi o'tkazib, 2:2 hisobida durang qayd etdi. SHuni ham alohida takidlab o'tish lozimki, urganchliklar ikki bor hisobda oldinga chiqib olishgandi. Ammo yakunda tomonlar durangga imzo chekdi.
SHu kuni "Xorazm" tarkibida bir qator yangi futbolchilar xarakat qilganini ko'rish mumkin edi. Xususan "Norin" jamoasidan taklif etilgan markaziy yarim himoyachi Akbar Murodov, "Paxtakor" yoshlar jamoasi bilan xayrlashgan 20 yoshli mahalliy futbolchi Rafik Karimov hamda Nukusning "Orol" jamoasidan hujumchi Navro'z Alimov endilikda mavsumning ikkinchi qismini "Xorazm"da o'tkazadigan bo'ldi.
Xabaringiz bo'lsa kerak, bungacha urganchliklar sharafini himoya qilib kelgan to'purar hujumchi Qadamboy Nurmetov yozgi transfer chog'ida "Andijon" jamoasiga ko'chib o'tgach, "Xorazm" ustozi oldingi chiziqni kuchaytirish maqsadida Alimovni taklif etdi.
Bosh sahifaga
1790