Takidlash joizki, mazkur jamoalarning o'zaro uchrashuvlari hamisha qiziqarli va sermahsul tarzda kechib keladi.
“So'g'diyona” va “Lokomotiv”ning o'zaro ilk uchrashuvi 2004 yilda o'tkazilgan. O'shanda JAR stadionida kechgan bellashuvda “temiryo'lchilar” jamoasi 3:0 hisobida zafar quchishgan. Umumiy hisoblaganda mazkur ikki klub milliy chempionatlarimiz tarixida shu paytgacha 21ta o'yin o'tkazishgan. O'zaro bellashuvlarning 16tasida “qizil-yashillar” g'alaba qozongan. Jizzaxliklar esa faqat 2 bor zafar quchishgan. Yana 3ta o'yin durang bilan yakunlangan.
“Loko” futbolchilari ushbu raqib darvozasini umumiy hisobda 54 marta ishg'ol etishgan va o'z darvozasidan 11ta gol o'tkazib yuborishgan. “Lokomotiv”ning “So'g'diyona” ustidan qozongan eng yirik hisobdagi g'alabasi 7:0ni tashkil etadi.
Yana bir diqqatga sazovor jihat shundan iboratki, “Lokomotiv” bugungi raqibiga so'nggi marta 2008 yilda 0:1 hisobida mag'lub bo'lgan. O'shandan buyon “Loko” hech bir o'yinda “So'g'diyona”ga imkoniyatni boy bermay kelmoqda. Demak, “So'g'diyona” “Lokomotiv”ni 10 yildan buyon mag'lub eta olmayapti.
Fakt: “Lokomotiv” safarda o'tgan so'nggi 5 uchrashuvining 3tasida g'alabaga erishgan.
“So'g'diyona” o'z maydonida o'tkazgan so'nggi 5 o'yinining faqatgina bittasida 3 ochkolik bo'lgan.
Bosh sahifaga
268
