Uchrashuvdan keyingi matbuot anjumanining birinchi qismida bekobodliklar ustozi Andrey SHipilov hamda bahsda "Metallurg" tarkibida eng yaxshi o'yinchi deb topilgan Safar Safoevlar ishtirok etishdi.
A.SHipilov: "O'yin qiyin bo'lishini bilardik. Bugungi uchrashuv oldidan tarkibimizda muammolar borligi sababli yoshlarga imkon berdik. Bu o'zimizni oqlash uchun bahona emas. O'ylashimcha, natija adolatdan bo'lmadi. Tablodagi hisob 3:0 emas, balki 1:0 bo'lganda adolatli bo'lardi. Tanaffusdan so'ng raqibga jarima maydonchasi oldida pressing uyushtirib ularni qiynab qo'ydik. "Paxtakor"ga jismonan yutqazmadik, ammo 2-bo'limdagi o'yinimizni kuchaytirganimiz yaxshi natija qayd etish uchun etarli bo'lmadi. G'alaba bilan "Paxtakor"ni tabriklayman".
Z.Safoev: "Murabbiyimizning fikrlariga to'liq qo'shilaman. Yosh tarkib bilan munosib o'ynadik. Birgina ranjitgan holat bu natija bo'ldi. Tablodagi yirik hisob ortiqcha bo'ldi. Biz esa yaratilgan vaziyatlardan foydalana olmadik".
Bosh sahifaga
217
