Uchrashuvdan keyingi matbuot anjumanining ikkinchi qismida toshkentliklar ustozi SHota Arveladze ishtirok etdi.
"Juda ham tig'iz taqvim va havoning issiqligi tufayli bugungi kunda futbolchilarga juda qiyin. Biz qanchalik tayyorgarlik ko'rmaylik, baribir yozning chillasida futbol o'ynash oson emas. Umid qilamizki, tez orada havo harorati tushadi. O'yinda yaxshi harakat qildik, ammo kamchiliklar hamon bor. Hujumlarni yakunlashda, so'nggi pas va yakuniy zarbani berishda oqsayapmiz. Natijadan ko'nglim to'ldi, mana shunday issiq havoda 90 daqiqa yaxshi o'ynagan futbolchilarimga rahmat aytaman. Eng muhimi, hech kim maydonda havo harorati sabab yotib qolmadi. Ismoil Gonsalvesh o'yinga yaxshi kirishib ketdi, to'g'ri takidlaganingizdek, u faqatgina markaziy hujumchi bo'lib emas, qanotda to'p tepuvchi vinger bo'lib ham o'ynay olishini ko'rsatdi", - dedi Arveladze.
Bosh sahifaga
1855