Ayollar futboli. O'zbekiston U-19 uchinchi nazorat uchrashuvida ham g'alaba qozondi

2018-07-24 16:20:01 / Kiritdi: BestMaster O'qilgan: 272

Osiyo o'yinlari saralashiga tayyorgarlik ko'rish maqsadida Namanganda yig'in o'tkazayotgan O'zbekiston U-19 terma jamoasi yana bir nazorat o'yini o'tkazishi haqida xabar berib o'tgandik.

SHu paytga qadar Karima Yo'ldosheva shogirdlari "Qo'qon-1912" va "Neftchi" ayollar jamoalariga qarshi o'yin o'tkazib, 8:2 va 3:2 hisobida g'alaba qozongan edi.

Kecha futbolchi qizlarimiz Andijondagi "Sog'lom avlod" markaziy o'yingohida "Andijanka" jamoasiga qarshi bahs olib borib, 2:0 hisobida g'alaba qozonishdi. Gollarni Tojiniso Rashidova (27) va Arina Smirnova (54) kiritishdi.

Eslatib o'tamiz, O'zbekiston U-19 ayollar terma jamoasining Namangandagi yig'ini 25 iyulga qadar davom etadi.

Teglar: ayollar, futboli, ozbekiston, u-19, uchinchi, nazorat, uchrashuvida, galaba, qozondi,
← Oldinga Orqaga →