Xabaringiz bor, yaqindagina Ignatiy Nesterovga 400-o'yinni o'tkazgani uchun esdalik sovg'asi topshirilgan edi. Professional Futbol Ligasi bundan buyon yubilyar futbolchi va murabbiylarni alohida etirof etib borishni o'ziga xos ananaga aylantiradi.
Oldinroq xabar berilganidek, PEPSI Superligasi 15-tur uchrashuvlari doirasidagi “Neftchi” – “Paxtakor” uchrashuvida afsonaviy futbolchi Anvar Berdiev o'z faoliyatidagi 500-rasmiy o'yinini o'tkazgandi. Kecha “Neftchi” – “Qizilqum” o'yini oldidan Berdievga Professional Futbol Ligasi tomonidan maxsus esdalik sovg'asi topshirildi.
Takidlash joizki, 40 yoshni qarshilagan mahoratli futbolchi faoliyati davomida “Mashal”, “Nasaf”, “Neftchi”, “Bunyodkor” hamda “Andijon” jamoalarida to'p surgan. Anvar Berdiev O'zbekiston milliy chempionatlari tarixidagi eng yaxshi to'purar bo'lib turibdi. Mahoratli futbolchi hisobida 225 ta gol mavjud.
Bosh sahifaga
1784