- So'nggi marta Toshkent derbisida maydonga tushganingizga 8 yil bo'ldi. O'shanda "Paxtakor"ga qarshi o'yinda maydonga tushgan ekansiz. Poytaxt derbilarini sog'ingan bo'lsangiz kerak.
- Ha, albatta. Oxirgi marta poytaxt derbisida o'ynaganimga ham 8 yil bo'libdi. Bunday emociyalarga boy bahslarda ishtirok etishni juda ham sog'indim. Maydonda ikki kuchli jamoa harakat qiladi. O'yinda g'alaba qozonishga, o'z muxlislarimizni xursand etishga intilamiz. "Bunyodkor"ga qarshi o'yinni intizorlik bilan kutyapman.
- O'zbek futboli 8 yil ichida qanchalik darajada o'zgargan?
- Futbolimiz anchagina o'sgan. Jamoalar tarkibida yaxshi saviyali, iqtidorli yoshlar juda ko'p. Futbolchilarning texnikasi ham, o'yin sifati ham anchagina oshgan. Futbolda bu bo'layotgan o'zgarishlar o'yin sifatiga ham anchagina tasir qilgan. CHempionatimiz ham kuchli bo'lsa, termaning o'yinlariga ham tasir qiladi. Umid qilamanki, shunday kuchli o'yinlar ko'paysa, futbolchilarimiz kuchli legioner maqomida o'ynay olishadi.
- O'yinga tayyorgarlik qay tarzda ketmoqda?
- Tayyorgarlik yaxshi ketmoqda. Oldimizdagi ikki muhim uchrashuv ko'p narsani hal qiladi. Bizda katta tajribaga ega jamoa bor. Superligada oson o'yin yo'q. Ushbu bahslarda maksimal natijalar olishga va kuchli jamoa ekanligimizni isbotlashga harakat qilamiz.
"Lokomotiv" matbuot xizmati
Bosh sahifaga
277