“Nasaf” jamoasi ertadan yig'inni boshlaydi

Jamoa ertaga yani 3 yanvar kuni o'z qarorgohida yig'inni boshlaydi.

Albatta muxlislarning ayni paytda eng qiziqtiradigan jihat jamoa tarkibida bo'ladigan o'zgarishlardir.

Jamoani hali rasman hech qaysi futbolchi tark etmagan bo'lsada, bizni va barcha muxlislarni tashvishga soladigan holat, hanuzgacha klubning futbolchilar bilan yangi mavsum uchun shartnomalar tuzmaganligidir.

“Nasaf”ning ko'pdan-ko'p futbolchilariga mamlakatimiz oliy ligasida ishtirok etadigan etakchi jamoalardan takliflar bo'layotganligi biz muxlislarni juda tashvishga soladi. Qolaversa, jamoa uchun bu yilgi futbol mavsumi ham boshqalarga qaraganda erta boshlanadi. “Nasaf” jamoasi 19 fevral kuni “Paxtakor”ga qarshi O'zbekiston Superkubok bahsini o'tkazsa, shundan keyin OCHL-2016 bahslariga kirishadi.

“Nasaf” jamoasi nafaqat ichki chempionatda balki bu yil ham qitamizning nufuzli futbol musobaqasi bo'lmish – Osiyo chempionlar ligasida yana yurtimiz shanini himoya qilishini hisobga olsak. Jamoa o'z tarkibini saqlabgina qolmay balki, jamoani yanada kuchli futbolchilar bilan kuchaytirishiga to'g'ri keladi. Bunga imkoniyat bormi? Albatta bor! Faqat buni amalga oshirishga etibor va harakat bo'lsa bo'ldi.

Umid qilamizki, futbolchilar bilan yaqin kunlarda shartnomalar imzolanadi va jamoa ko'tarinki ruhda yangi mavsum tayyorgarligini davom ettiradi. SHoyatki, shunda biz muxlislarning ham xotirimiz jam bo'lsa.

Bizga malum bo'lishicha, jamoaning yaqin vaqtdagi tayyorgarlik rejalari quyidagicha bo'lishi mumkin, tayyorgarlik mashg'ulotlari 16 yanvargacha Qarshi shahridagi klub bazasida olib boriladi. SHundan so'ng futbolchilarga qisqa muddatli dam olishga ruxsat beriladi. Agar hammasi ko'ngildagidek bo'lsa, jamoa keyingi tayyorgarliklarni 20 yanvardan boshlab, BAAning Dubay shahrida davom ettirishi mumkin.