Natijada hamma viloyat jamoasi ham kerakli manzilga moliyaviy imkoniyati tufayli etib bora olmagan. Poytaxt esa transport tomonidan barchaga qulay.
SHu boisdan O'FA 1-vice-prezidenti Umid Ahmadjonov O'FA Futbolni rivojlantirish boshqarmasi taklifini ko'rib chiqdi va uni maqulladi. Unga ko'ra 2001-2005 yillar oralig'ida tavallud topgan futbolchilar o'rtasidagi Respublika musobaqasining barchasi poytaxtda bo'lib o'tadi.
O'zbekiston yoshlar va o'smirlar terma jamoalari uchun selekciya ishlarini sifatli olib borish maqsadida, 2001 va 2004 yillarda tavallud topgan futbolchilar o'rtasidagi jamoalarning poytaxtdagi barcha xarajatlari O'FA tomonidan qoplanadi. Bu bilan Associaciya musobaqada eng sara futbolchilarni ishtirok etishini taminlagan holda, eng yaxshi futbolchilarni saralab olish imkoniyatiga ega bo'ladi.
SHu bilan birga, Respublika musobaqasida ishtirok etadigan barcha futbolchilar endi jiddiy nazoratdan o'tadilar. Agar biron futbolchining yoshi kichraytirilgani to'g'risidagi malumot aniqlanadigan bo'lsa, shu ish bilan shug'ullangan murabbiy va mazkur ishni tepasida bo'lgan xodimlar haqida maxsus idoraga xabar beriladi.
Bosh sahifaga
1338