Sergey Lushan: "Muhim o'yinlar oldinda va biz ishlashda davom etamiz"

O'yindan so'ng mezbonlar bosh murabbiyi Sergey Lushan va o'yinning  eng yaxshi futbolchi deb topilgan Sanjar Rashidov o'z fikrlarini bildirishdi.

- Juda qiyin o'yin o'tkazdik. Bahs qiyin bo'lishini bilar edik. Bir yarim kun davomida tiklanish juda qiyin. Rejalar amalga oshmadi. Uchrashuvdan so'ng birinchi vazifa bu yo'qotilgan kuchni tiklashdir. Bugun futbolchilar maydonda o'zlarini ko'rsata olishmadi. Qo'qondagi safardan so'ng biz juda kam vaqt mashg'ulot o'tkazdik va funkcional tiklana olmadik. Halol mag'lub bo'ldik. Yaratilgan vaziyatlardan esa unumli foydalana olmadik. “Nasaf” birgina xatomizdan foydalandi va g'alaba qozondi. Muhim o'yinlar oldinda va biz ishlashda davom etamiz - deydi jamoa bosh murabbiyi.

Sanjar Rashidov: Qiyin o'yin o'tkazdik . Raqib yaxshi himoyalandi. Bizning esa xujumda ishlarimiz yurishmadi. Bu o'yindan so'ng kerakli xulosalarni chiqaramiz va bu xatolar ustida ishlaymiz - deydi jamoa sardori.