"Bunyodkor" o'z maydonida 54 o'yindan so'ng yana 3ta gol o'tkazib mag'lub bo'ldi

Statistikaga murojaat qiladigan bo'lsak, "Bunyodkor" oxirgi marta 2014 yilgi chempionatning 26-turida o'z maydonida uchta to'p o'tkazib mag'lub bo'lgandi. O'shanda "Paxtakor" 3:2 hisobida g'alaba qozonib ketgan.

SHundan beri oliy liga doirasida "qaldirg'ochlar" 54ta o'yindan so'ng yana uchta gol o'tkazgan holda mag'lubiyatga uchrashdi. "Bunyodkor" 2015 yil o'z maydonida ikki bor - "Neftchi" va "Lokomotiv"ga mag'lub bo'lgan va har ikkala bahs 0:1 hisobida yakun topgan.

2016 jamoa uyida faqat bir marta yutqazib qo'ygan va bunda ham "Lokomotiv" 1:0 hisobida zafar quchgandi. O'tgan yil esa "qaldirg'ochlar" o'z uylarida yana bitta uchrashuvda mag'lub bo'lishdi. Bu safar "Qizilqum" 1:0 hisobida g'olib bo'lgandi.