Vohid SHodiev: "Perak" safida debyut golimni urdim"

Biz futbolchimiz bilan bog'lanib uning fikrlari bilan qiziqdik.

"Perak" safiga tezda qo'shilib ketdim. Kuni kecha "Felchra"ga qarshi o'rtoqlik uchrashuvini o'tkazdik. Men ushbu o'yinda debyut golimni urishga muvaffaq bo'ldim. Jamoamiz 2:1 hisobida zafar quchdi.

Malayziyada yangi mavsum 13 fevral kuni boshlanadi. Unga qadar bir nechta o'rtoqlik uchrashuvlari o'tkazish rejalashtirilgan. Hozircha mehmonxonada istiqomat qilayapman. Klub yaqin orada alohida uy ajratadi. O'shanda oilam ham Malayziyaga ko'chib keladi.

Fursatdan foydalanib O'zbekiston xalqini kirib kelgan 2016 yil bilan tabriklayman. Yurtimiz tinch, osmonimiz musaffo bo'lsin!", - deydi Vohid SHodiev.