PFL nima uchun "Norin"ga texnik mag'lubiyat yozilganiga rasmiy izoh berdi

2018-08-04 19:30:01 / Kiritdi: BestMaster O'qilgan: 406

PFL joriy mavsumdan klublarning har qanday ko'rinishdagi qarzdorliklarini o'z vaqtida barataraf etishlariga jiddiy etibor qaratmoqda.

Klublar oldiga yozgi transferlar yopilguniga qadar barcha qarzdorliklarini bartaraf etish vazifasi yuklatilgan edi. Biroq ayrim klublar mazkur holatga beparvolik bilan munosabatda bo'lishdi. Jumladan, Haqqulobodning “Norin” jamoasi Pro ligada yozgi tanaffus yakunlanguniga qadar ham mavjud qarzdorliklarni o'z vaqtida uzish bo'yicha amaliy harakatlar amalga oshirmadi.

Faqatgina o'yinga bir kun qolganida haqqulobodliklar jamoasi rahbariyati barcha chorani ishga solib ko'rishga urindi. Biroq PFL barcha narsa o'z vaqtida amalga oshirlishi tarafdori ekani boisdan “Norin” ishtirokidagi o'yin o'tkazilmasligi borasida qaror qilindi.

SHu sababdan Pro liga 19-tur uchrashuvlari doirasidan o'rin olgan “Norin” – “Dinamo” o'yini o'tkazilmadi va “Norin”ga texnik mag'lubiyat yozildi.

Teglar: nima, uchun, noringa, texnik, maglubiyat, yozilganiga, rasmiy, izoh, berdi,
← Oldinga Orqaga →