Xabaringiz bo'lsa kerak, O'zbekiston Professional Futbol Ligasi talablarni bajarmagan PRO-Liga klublariga nisbatan keskin chora ko'rmoqda. Xususan badal puli va oylik maoshlardan qarzi mavjud bo'lib, bu bo'yicha jiddiy yondoshmayotgan klublar kechirilmayapti. Bunga misol tariqasida, "Norin" jamoasini aytish mumkin. Kecha xaqqulobodliklar o'z maydonida "Dinamo" bilan o'ynashi lozim edi. Biroq qarzdorliklar vaqtida bartaraf etilmagani uchun "Norin" jamoasiga texnik-mag'lubiyat yozildi.
Bugun ham PRO-Liganing "B" guruhida shunga o'xshash vaziyat yuz berdi. "Yozyovon" jamoasi o'z maydonida "Xotira-79" bilan o'ynashi kerak edi. Ammo har ikki jamoaning ham badal puli bo'yicha O'zPFLdan qarzi borligi tufayli, mazkur uchrashuv nomalum muddatga qoldirildi. Bu borada o'yin komissari Bekzod Aripov har ikki jamoa rasmiylariga malum qilgan. O'zPFL mazkur klublarning muammolarini atroflicha o'rganib chiqadi va o'yin qaysi sanada o'tishini keyinroq malum qiladi.
Ahamiyatlisi kecha Xaqqulobodda o'tkazilmagan "Norin" - "Dinamo" uchrashuviga ham komissar sifatida Bekzod Aripov tayinlangandi.
Bosh sahifaga
841