"Qiyin o'yin bo'ldi. Birinchi bo'limda yigitlar bilan qovusha olmadikmi yoki issiq xalaqit qildimi bilmadim. Biroq juda qiynaldik. Tanaffusda yigitlar bilan ikkinchi bo'lim xususida gaplashib oldik va keyinchalik barchasi yaxshi tomonga o'zgardi. Birinchi bo'limni 3 bahoga loyiq o'tkazdik. Ikkinchi bo'limda esa o'yinimiz ochilib ketdi va ketma ket gollar urishni uddaladik.
Pro-liganing saviyasi oshmoqda. Bu keyinchalik ham davom etsa kerak. O'zbek futbolidagi o'zgarishlar tufayli Pro-liga ham anchagina kuchaydi deb hisoblayman.
Yangi futbolchilar jamoaga tezda ko'nikib keta oladi. CHunki bu erdagi yigitlar o'zaro ahil. Yangilarni akasi yoki ukasidek qabul qiladi.
Uzoq vaqt o'yinga tushmagandan keyin birdaniga bahsga qaytsa, har qanday futbolchiga qiyin bo'ladi. Ha, o'rtada diskvalifikaciya sababli bir necha turlarda qatnashmadim. Ammo, mashg'ulotlar tufayli o'z jismoniy holatimni ushlab tura oldim", - dedi futbolchi.
"Nurafshon" - "Iftixor" uchrashuvida Farruh SHotursunov dubl qayd etishga muvaffaq bo'ldi.
Bosh sahifaga
206