Ushbu sahifada matbuot anjumanini kuzatib borish mumkin.
Matbuot anjumani soat 15:00da boshlanadi.
YANGILASH
14:45. Hozircha matbuot anjumanlar xonasi jurnalistlar bilan to'lib bormoqda.
14:55. Anjuman boshlanishiga oz qoldi.
15:00. Bir necha daqiqalardan so'ng Ektor Kuper etib keladi, matbuot anjumanini ikkita telekanal jonli ravishdga efirga uzatadi.
"O'zbekistonda ekanimdan xursandman. Terma jamoa o'z oldiga yuqori maqsadlar qo'ymoqda. Barchangiz menga ko'plab savollar tayyorlab qo'yganingizni bilaman. Biz katta yo'l boshida turibmiz. Barchamiz birlashib O'zbekiston terma jamoasi uchun eng yaxshi bo'lgan natijaga erishishga harakat qilamiz.
Meni kutib olish ajoyib bo'ldi, Bu erga kelishimga O'FA rahbariyati va O'zbekiston Respublikasi Prezidentining ham katta o'rni bo'ldi. Barchamiz birlashishimiz kerak. Barchasi uchun katta rahmat", - deydi Ektor Kuper.
- O'zbekiston terma jamoasidagi birinchi qadamlaringiz qanday bo'ladi?
- Birinchi navbatda futbolchilar, xodimlar va siz jurnalistlar bilan tanishib olishim kerak. Buning uchun milliy chempionat o'yinlarini kuzatib boramiz. Barcha joyda bo'lganidek birinchi qadam tanishuv bo'ladi. Sekin va sekin, qisqa va ishonchli qadamlar bilan. Qisqa vaqt ichida mo'jizalar kutish kerak emas. Men doim qaerda ishlasam ham aytganman, men oddiygina murabbiyman.
- O'zbekiston terma jamoasi bilan 3+1 tizimida shartnoma tuzdik. Men faqat milliy terma jamoaga javob beraman. Olimpiya terma jamoasini faqat kuzatishim mumkin. Oldimizga faqat ikkita maqsad qo'yilgan Osiyo Kubogi va Jahon chempionati.
- O'zbekiston va o'zbek futboli haqida nimadir bilasizmi? Yanvar oyida Osiyo Kubogi bo'ladi. Terma jamoamizdan yaxshi natija kutishimiz mumkinmi?
- Hozir futbolchilar bilan tanishish jarayoni boshlandi. Albatta katta maqsad bor, ishonch ham bor. Ishonganim uchun ham ushbu terma jamoani qabul qilib oldim. Ishonmaganimda bu terma jamoani qabul qilmasdim.
- Janob murabbiy doimiy O'zbekistonda yashaydimi? Sizning shtabingizdan o'zbek murabbiylari ham joy oladimi?
- Oldingi xorijiy murabbiylar qanday ishlaganidan xabarim yo'q. Bu bir ichida bo'ladigan narsa emas. Ispaniyaga borishim mumkin, Argentinaga borib kelishim mumkin. Xohlagan murabbiy bilan gaplashishim mumkin, maslahalashim mumkin. Hozir o'zimning ham murabbiylar shtabim bor, agar mahalliy murabbiylarni tanib olsam balki uni ham qo'shib olishim mumkin.
- O'zbekiston terma jamoasi bilan 3+1 tizimida shartnoma tuzdingiz. Maosh va bonus haqida ham malumot bera olasizmi?
Diyor Isametdinov (O'FA xalqaro aloqalar bo'limi) - Buni bosh murabbiy sir qolishini iltimos qilgan.
- Sizning falsafangiz qanday? Futbolchilarga qarab taktika tanlaysizmi yoki tayyor taktikaga mos futbolchilarni chaqirasizmi?
- Buni hozirdan ayta olmayman. Barchasi futbolchilar bilan tanishib olganimdan so'ng bo'ladi. Agar taktika tanlasamu futbolchilar unga tushmasa bundan foyda yo'q.
- Qanday shartlar bilan Kuper bilan shartnoma uzaytiriladi yoki uzaytirilmaydi.
Diyor Isametdinov (O'FA xalqaro aloqalar bo'limi) - JCH-2022 saralashi 2021 yil noyabr oyiga qadar bo'lib o'tadi. Tushunarliki Jahon chempionatiga chiqa olmasam murabbiy bilan xayrlashamiz. Agar Qatardagi mundialga chiqsak Kuperning o'zi ushbu Jahon chempionatiga terma jamoamizni olib boradi.
Ektor Kuper: - Agar natija yaxshi bo'lmasa rahbariyatga qo'l beraman va uyga ketaman, muammo yo'q (kuladi). Natija yaxshi bo'lganda barcha xursand, aksincha bo'lsa esa...
- O'zbekistondan taklif tushganida birinchi xayolingizga nima keldi?
- Ikki faktor tufayli ushbu taklifni qabul qildim. Birinchi 23 yoshgacha bo'lgan terma jamoaning Osiyo chempioni bo'lgani. Ikkinchisi terma jamoa o'z tarixida ilk bor Jahon chempionatiga chiqish ishtiyoqi.
- Jahon chempionatiga chiqishni vada bera olasizmi?
- Barcha narsa bo'lishi mumkin. Lekin bunday vada bera olmayman. Bor kuchim bilan ishlashim borasida vada bera olaman. Nasib qilsa O'zbekiston Jahon chempionatiga chiqadi.
Narzulla Saydullaev yozib oldi
Bosh sahifaga
431