"Navbahor": Tayyorgarlik ertadan boshlanadi

Xabaringiz bo'lsa yangi yil arafasida jamoa boshqaruvida bir qator o'zgarishlar ro'y bergandi. Rahbariyatdagi o'zgarishdan tashqari bosh murabbiy Baxtiyor Ashurmatov o'rniga Rashid G'ofurov bosh murabbiy etib tayinlangandi.

Ertadan G'ofurov yangi lavozimdagi ishini rasman boshlaydi. “Navbahor” tayyorgarlikning dastlabki bosqichini Namanganda o'tkazadi. Bugun esa jamoamiz yoshlari dastlabki mashg'ulotni o'tkazishdi. Mashg'ulotni Mustafo Bayramov, SHerzod Jo'raev va Durbek Umaralievlar bosh murabbiy Rashid G'ofurov boshchiligida o'tkazishdi. O'tgan mavsum davomida birinchi liga vakili “Xotira-79” jamoasida o'ynovchi murabbiy sifatida ish yuritgan Durbek Umaraliev ham jamoa murabbiylar shtabidan joy oladigan bo'ldi.