Bugun Milliy olimpiya qo'mitasida qitada to'rt yillikning eng nufuzli musobaqasida ishtirok etadigan O'zbekiston sport delegaciyasi uchun taqdim etilgan liboslar taqdimoti tashkil qilindi.Sportchilarimiz uchun yangi ekipirovkalar Xitoyning "QIERTE Co. Ltd" kompaniyasi tomonidan PRES-JOG brendi bilan taqdim etilgan.
"Sport ekipirovkalari tayyorlanish jarayonida Osiyo o'yinlari bo'lib o'tadigan mamlakat - Indoneziyaning iqlimi ham hisobga olingan. Xususan, Jakarta va Palembangda tez-tez yomg'ir yog'ishini hisobga olib, kapyushonli kiyimlardan va suv shimmaydigan matolardan sport ekipirovkalarini ishlab chiqarildi. Sport libosi to'q ko'k va oq ranglardan tashkil topgan. SHuningdek, undan O'zbekiston Milliy olimpiya qo'mitasining ramzi ham o'rin olgan. Sportchilarimiz nafaqat musobaqa davomida, balki kundalik hayotda ham foydalanishlari uchun minimalizmga alohida etibor qaratilgan", - deyiladi MOQ press-relizida. Eslatib o'tamiz, musobaqaning tantanali ochilish marosimi 18 avgust kuni Jakartada bo'lib o'tadi. Osiyo o'yinlarida yurtimiz sharafini 232 nafar sportchi 30ta sport turida himoya qiladi.
Futbolchilarimiz kiyadigan libos.
SHuningdek, bugun MOQda Osiyo o'yinlarida ishtirok etadigan sportchilarimizni kuzatish marosimi ham o'tkazildi.
Bosh sahifaga
120