- "Tabiiyki, “Neftchi”dan ketganimdan so'ng futbolchilik faoliyatimni yana davom ettirdim. Qaysidir jamoadan ketsangiz bu xayot to'xtab qolganini anglatmaydi. Pro-liga klubida ham o'z ustimda ishlashda davom etdim. Hammasiga futbolga bo'lgan mehrim va munosabatim sabab bo'ldi, deyishim mumkin. “Neftchi”ga qaytishim borasida gapiradigan bo'lsam, ushbu jamoa men uchun qanday qadrli ekanligini barcha muxlislar yaxshi bilishadi. Boshqa klubda to'p surishimga qaramay, “Neftchi”ning o'yinlarini muntazam kuzatib bordim, hech qachon ularga befarq bo'lmadim. Joriy mavsumda jamoamiz muxlislar kutgan natijalarini qayd eta olmayapti. SHu sababdan yana o'z gollarim bilan “Neftchi”ga yordam berish maqsadida jonajon jamoamga qaytdim".
- "Kiritgam golimni keng jamoatchilik etirof etganidan xursand bo'ldim. O'sha vaziyatda Murod Bobojonov meni ajoyib uzatma bilan taminlagani bois yaxshi vaziyatga ega bo'ldim. SHu boisdan ham golda jamoadoshim Murod Bobojonovning hissasi katta bo'ldi. Men xar bir o'yinda gol urib, “Neftchi”ning g'alabasi uchun borimni berishni istayman".
- "To'g'risini aytadigan bo'lsam, o'sha golni jamoam g'alabasiga almashgan bo'lardim. CHunki har bir futbolchi aslida jamoa manfaatini ko'zlab o'ynaydi va tabiiyki "Neftchi"ning g'alabasi har qanday golimdan ustunrok turadi. Jamoaviy o'yinda golni kim yoki qanday kiritishi muhim emas. Asosiysi - g'alaba. Afsuski, “Bunyodkor”ga qarshi o'yinda yaxshi o'yin namoyish etishimizga qaramay, yakunda mag'lub bo'lgandik. Biz doim olg'a boramiz va bo'lajak bahslarning barchasida faqat g'alabani ko'zlagan holda maydonga chiqamiz", - dedi iyul oyining eng chiroyli goli muallifi SHerzod Hakimov.
SHerzod Hakimov: "Neftchi"ga yordam berish uchun jonajon jamoamga qaytdim"
/ Kiritdi: BestMaster O'qilgan: 460
Bosh sahifaga
245