Mazkur so'rovnomada Superliganing 12ta klubi bosh murabbiylari va sardorlari ishtirok etdi. Muxlislar ovozi esa PFL rasmiy saytida o'tkazilgan so'rovnoma orqali qabul qilindi.
Bilasiz, iyun-iyul oylarida Rossiya yashil maydonlarida Jahon chempionati-2018 bo'lib o'tdi. SHu sababdan Superligada qisqa tanaffus yuzaga keldi va iyun oyida faqatgina bitta tur o'yini tashkil etildi. SHuni inobatga olib, iyun va iyul oylari uchun bitta so'rovnoma tashkil qilishga qaror qilindi. Zero bitta tur natijalari inobatga olinib, iyun oyining eng yaxshilari aniqlanishi biroz nojoiz bo'lar edi. SHu tariqa bu safar iyun oyidagi bitta tur va iyuldagi 5ta tur uchrashuvlari yakunlariga ko'ra eng yaxshilar aniqlandi.
Ortda qolgan 6ta turda eng yaxshi natija qayd etgan jamoa – Andrey Fyodorov ustozligidagi "Lokomotiv" bo'ldi. "Temiryo'lchilar" ushbu mutaxassis boshchiligida 5 g'alaba va 1 durang qayd etishdi. O'tkazilgan so'rovnomada ham ko'pchilik aynan Andrey Fyodorov nomzodiga ko'proq ovoz berdi. Ikkinchi pog'ona esa Mirjalol Qosimovga nasib etdi. Uchinchi o'rindan esa SHota Arveladze joy oldi.
SHu tariqa Andrey Fyodorov ilk bora oyning eng yaxshi murabbiyi deya tan olindi. Bunga qadar 2 marta bu nomga sazovor bo'lgan Mirjalol Qosimov bu gal ikkinchi o'rin bilan kifoyalandi. Har oy eng yaxshi bo'lish uchun nomzodlar qatoridan o'rin egallayotgan SHota Arveladzega esa bu safar ham biroz omad etishmadi.
Bosh sahifaga
200