Mazkur so'rovnomada Superliganing 12 ta klubi bosh murabbiylari va sardorlari ishtirok etdi. Muxlislar ovozi esa PFL rasmiy saytida o'tkazilgan so'rovnoma orqali qabul qilindi.
Bilasiz, iyun-iyul oylarida Rossiya yashil maydonlarida Jahon chempionati-2018 bo'lib o'tdi. SHu sababdan Superligada qisqa tanaffus yuzaga keldi va iyun oyida faqatgina bitta tur o'yini tashkil etildi. SHuni inobatga olib, iyun va iyul oylari uchun bitta so'rovnoma tashkil qilishga qaror qilindi. Zero bitta tur natijalari inobatga olinib, iyun oyining eng yaxshilari aniqlanishi biroz nojoiz bo'lar edi. SHu tariqa bu safar iyun oyidagi bitta tur va iyuldagi 5 ta tur uchrashuvlari yakunlariga ko'ra eng yaxshilar aniqlandi.
Unga ko'ra, 6 o'yinda 5 gol va 2 golli uzatma muallifiga aylangan Marat Bikmaev 1-o'rinni band etdi. Ushbu futbolchi Superliga klublari va murabbiylari tomonidan eng ko'p ovoz berilgan nomzodga aylandi. Muxlislar so'rovnomasida esa Bikmaev uchinchi bo'ldi. Umumiy ballar sarhisobiga ko'ra esa baribir Bikmaevga etadigan raqobatchi topilmadi. Ikkinchi pog'ona esa ovoz berish natijalariga ko'ra, Tiago Bezerraga nasib etdi. Bezerra muxlislar o'rtasidagi ovoz berishda g'olib bo'ldi. Lekin murabbiylar va sardorlarning aksariyati bu futbolchini 2-o'ringa loyiq topishdi. 3-o'rindan esa Javlon Ibrohimov joy oldi.
Iyul oyining eng chiroyli goli muallifi – SHerzod Hakimov VIDEO
Iyul oyining eng yaxshi darvozaboni – Eldor Suyunov
Iyul oyining eng yaxshi murabbiyi – Andrey Fyodorov
Bosh sahifaga
315