PFL bu borada mavjud 30ta klubni transfer oynasi ochilishidan oldinoq ogohlantirib keldi. Natijada Superliga klublaridan tortib, Pro-Liga jamoalariga qadar PFLga hisobot topshirdi. Yani, klublar bo'ynidagi qarzdorliklar, ularning futbolchi va murabbiylar oldidagi majburiyatlari aniq-tiniq belgilab olindi. Biroq "Yozyovon-Lochinlari" klubi rahbariyati transfer oynasi vaqtida PFL talabini bajarishga beparvolik bilan munosabatda bo'ldi.
Faqatgina Pro ligada yozgi tanaffus yakunlanishiga 2 kun qolganidagina ushbu jamoa vakillari harakatga tushishdi. Kecha klub badal pulidan mavjud bo'lgan qarzdorlikning yarmini to'ladi. SHu boisdan "Yozyovon-Lochinlari" klubiga 20-tur o'yinini o'tkazishga ruxsat berildi. Endi mazkur jamoa kelasi tur start olishidan 1 kun avval (14 avgustgacha)to'liq hisob-kitob qilishi zarur bo'ladi. Yo'qsa jamoa Pro-Ligadan muddatidan oldin chetlashtiriladi.
"Yozyovon-Lochinlari" badal pulining yarmini to'ladi
/ Kiritdi: BestMaster O'qilgan: 221
Bosh sahifaga
95