Mirjalol Qosimov: "SHonli tarixi va porloq kelajagi bor "Bunyodkor" o'zbek futboliga kerak"

"Qarshida “Nasaf”ga qarshi o'ynash doimo qiyin bo'lgan. G'alabaga osonlikcha erishdik demagan bo'lardim. Omad bugun biz tarafda bo'lganini ham qayd etish lozim. agarda penalti golga aylanganida umuman boshqacha scenariy guvohiga aylanishimiz ham mumkin edi. "Bunyodkor" har doim chiroyli o'yin ko'rsatish va g'alaba qozonish ishtiyoqida maydonga chiqadi. CHempionlik uchun kurashni oxirgi turlarga qadar davom ettira olishimizga ishonaman. O'ylaymanki, jamoam sovrinli o'rinlardan birini qo'lga kiritishga qodir. Kuch va mahorat bobida ham "Bunyodkor" futbolchilarining hech kimdan kam joyi yo'q. “Bunyodkor”ni keyingi taqdiri? "Bunyodkor"dek klub saqlanib qolishini niyat qilamiz. O'zbek futbolidagi shonli tarixga ega "Bunyodkor"ning umri uzoq bo'lishini istardim. CHunki jamoaning nafaqat shonli tarixi, balki porloq kelajagi ham bor. "Bunyodkor" o'zbek futbolida yosh iqtidorlarni etishtirib berishda ham birinchilar qatorida. SHunday jamoa, ajoyib akademiyaga ega klub o'zbek futboli uchun kerak", - deydi Mirjalol Qosimov.