Navoiyda kechgan birinchi davra o'yinida "Metallurg" 2:1 hisobida zafar quchgan. Bugun "Qizilqum" uydagi mag'lubiyat tasodif ekanini safarda isbotlashga harakat qilsa kerak.
Bugungi bahs mehmonlardan ko'ra mezbonlar uchun muhimroq. CHunki "Metallurg" kuchli oltilikka kirishga harakat qilyapti. "Qizilqum" shundoq ham tepaga ko'tarila olmaydi. "Metallurg" esa kuchli oltilikka kirib olishi uchun navbatdagi ikki bahsni g'alaba bilan tugatishiga to'g'ri keladi.
"Metallurg" o'z maydonida oxirgi to'rtta o'yindan beri mag'lub bo'lgani yo'q. Bu jamoa ikki martadan g'alaba va durang qayd etdi. Bekobodliklar uyda "Lokomotiv" va "Neftchi"ni mag'lub etib, "Nasaf" hamda "Bunyodkor" bilan durang o'ynadi. Jamoa oxirgi marta 11-turda o'z maydonida AGMKga yutqazib qo'ygan.
"Qizilqum" haqida gapiradigan bo'lsak, bu jamoa safarda shu paytgacha 10ta o'yinda maydonga tushib, shundan uchtasida g'alaba qozongan. "Qizilqum" safarda "So'g'diyona", "Qo'qon-1912" va "Neftchi"ni mag'lub etib qaytgan. Jamoa ikkita durang o'ynab, besh marta mag'lub bo'lgan. To'plar nisbati 8-14.
Bilasizmi? "Qizilqum" oxirgi beshta turning to'rttasida mag'lubiyatga uchradi. Hamidjon Aktamov shogirdlari Farg'onada g'alaba qozonishdan tashqari "Bunyodkor", "Paxtakor", "Buxoro" va AGMK bilan kechgan o'yinlarda yutqazib qo'ydi.
Bugun futbol. "Metallurg" - "Qizilqum"
/ Kiritdi: BestMaster O'qilgan: 392
Bosh sahifaga
407