No'mon Hasanov: "Tomoshabop o'yin bo'ldi. Bugun faqat g'alaba uchun maydonga tushgandik. Birinchi bo'limda 3ta golga tortadigan vaziyat yaratdik, shulardan bittasidan foydalanganimizda edi, o'yin boshqacha bo'lar edi. Lekin yo'qotishlar baribir o'z so'zini aytdi. Javohir Sidiqov hamda Jasur Hakimov bo'lganida boshqacha taktikada o'ynardik. Bugun raqibimiz kuchli bo'lgani bois, himoyaviy taktikada to'p surdik.
Ijaraga olingan futbolchilar borasida O'FA qandaydir qaror chiqarishi kerakka o'xshaydi. Goldan keyin futbolchilarimiz ruhiy tomondan ustunlikka ega bo'lishdi va ketma-ket hujumlar uyushtirishdi. O'zi futbolda shunday gol urgach, ruhiy tomondan ustunlikka erishasiz.
Otaqo'zievni o'yinga tushirayotganimda gol urishiga ishongan edim. Unga baribir senda vaziyat bo'ladi degan edim. O'yin natijasidan xursand ham xafa ham emasman. Bugun bizni tinimsiz qo'llab-quvvatlab turgan muxlislarimizga minnatdorchilik bildiraman.
Quvondiq Ro'ziev: "Muxlislarimizga katta rahmat. Ular 12-o'yinchi sifatida bizni qo'llab-quvvatlab turishdi. O'yindagi g'alaba biz uchun muhim edi. Javohir Sidiqovning yo'qligi bilindi. Uning o'rnini bilintirmaslikka harakat qildik".
Bosh sahifaga
225
