Mo'minjonov Abramov qilgan ishni qildi-mi? "Navbahor"ning bir yo'la uch futbolchisi so'nggi daqiqalarda qanday qilib sariq kartochka oldi? VIDEO

81-daqiqada bu mavsum hisobida 3ta sariq kartochkasi bor bo'lgan Davron Hoshimov maydon markaziga yaqin joyda raqibni yiqitgani uchun ogohlantirildi. 

88-daqiqada Davron Hoshimovning tavsiyasi bilan Jahongir Mehmonov darvozabonning o'rniga to'pni kiritdi va bu ishni vaqtni cho'zib amalga oshirdi. Natijada bu mavsumda 7ta sariq kartochkasi bor bo'lgan Mehmonov ham bosh hakamdan ogohantirish oldi. 

90-daqiqada Oston O'runov raqib jarima to'pini amalga oshirayotganida unga qo'lidan kelganicha xalal berdi, hakam bunga ahamiyat bermadi. Keyingi daqiqalarda O'runov ikki bor raqib autdan to'pni o'yinga kiritayotganida unga xalal berdi. 90+3-daqiqada Oston O'runov o'ziga nisbatan ishlatilgan qo'pollik uchun belgilangan jarima zarbasini vaqtni cho'zib amalga oshirdi. Hakam bu mavsumda 3ta sariq kartochkaga ega O'runovga ham ogohantirish ko'rsatdi. 

SHu tariqa, uchala futbolchi ham 22-turni o'tkazib yuborishadi. Birinchi bosqichning so'nggi turida "Navbahor" Navoiyda "Qizilqum" mehmoni bo'ladi. Namangan klubi yuqori oltilikda, "Qizilqum" esa pastki oltilikda bo'lishi aniq bo'lib ulgurgani uchun 22-turdan o'rin olgan uchrashuv ikkinchi bosqichda hech qanday ahamiyatga ega bo'lmaydi. Yani bu o'yindagi ochkolar kuyib ketadi. 

Quyidagi videoni tomosha qiling va "Navbahor" futbolchilari qanday qilib sariq kartochka olishganini tomosha qiling. 

Bir vaqtlar Vadim Abramov O'zbekiston terma jamoasini boshqarganida o'z shogirdlariga atayin sariq kartochka olishni aytgan. FIFA buni sezib qolib o'sha futbolchilarni yana bitta o'yinga diskvalifikaciya qilgan edi. PFL bu vaziyatda "Navbahor"ni jazolaydimi yoki yo'qmi bu hozircha malum emas.

TAS-IX Emas