Kun FAKTI! "Arxeolog" - futbolchi

Futbol ishqibozi borki, yoshlikda, mahallada og'aynilar bilan to'p ortidan yugurib yillarni o'tkazgan. Ko'cha futbolining ajabtovur qonun-qoidalarini o'zingiz juda yaxshi bilasiz. Ularni sanab o'tirish shart emas. SHunchaki bir nechtasini eslasak, yuzimizga tabassum yuguradi.

Ajoyib xotiralar qatorida hech bo'lmasa bir bor to'p o'rniga erni tepib olganingiz bo'lsa, ajab emas.

Lekin bugun sizga etkazmoqchi bo'lgan voqea boshqalariga umuman o'xshamaydi.

Italiyaning Asti shaharchasida bo'lib o'tgan o'rtoqlik uchrashuvi, mezbonlar hujumchisi Maskio to'pga zarba berishga chog'lanadi, biroq, to'p o'rniga, erni "siylaydi". Harakat shu qadar kuchli bajariladiki, futbolchi oyog'ini shikastlab oladi va uchrashuvni davom ettira olmaydi.

Bahs yakuniga etgach, mutaxassislar maydonning o'sha qismida tekshiruv o'tkazadilar va skelet qoldig'ini topadilar. Maskio pul mukofotidan tashqari, "arxeologik izlanishlardagi mehnatlari uchun" ko'krak nishoni bilan taqdirlanadi.

Bunaqasi bir marta bo'lgan. Iltimos, qaytarishga urinib yurmang :)