O'zbekiston MTJ sentyabrda Suriya, oktyabrda KXDR va Qatar bilan Toshkentda o'ynaydi

Mazkur kunlardan unumli foydalanish maqsadida,  Toshkentda O'zbekiston milliy terma jamoasi uchun o'rtoqlik o'yinlari tashkil qilish borasida bir qator chora-tadbirlar amalga oshirildi.
 
6 sentyabr kuni poytaxtimizdagi “Milliy” stadionida O'zbekiston milliy terma jamoasi Suriyaga qarshi bahs olib boradi. O'yin muxlislar uchun qulay bo'lgan payt soat 20:00da boshlanadi.
 
Bundan tashqari, oktyabr oyidagi FIFA kunlaridan ham unumli foydalanish rejalashtirilgan. 13 oktyabr kuni KXDR bilan, 16 oktyabr kuni esa Qatar terma jamoasiga qarshi Toshkentda o'rtoqlik o'yinlari bo'lib o'tadi.
 
Ektor Kuper mazkur o'yin orqali O'zbekiston terma jamoasining asosiy tarkibini shakllantirib boradi.
 
Hozirda qolgan FIFA kunlarida  ham O'zbekiston milliy terma jamoasi uchun o'rtoqlik o'yini tashkil qilish borasida muzokaralar olib borilmoqda. Jumladan, Eron futbol federaciyasi bilan o'tkazilayotgan muzokaralar ijobiy yakuniga etsa, 11 sentyabr kuni yurtimizdagi futbol muxlislari Osiyoning ushbu grand jamoasini Toshkentda ko'rishlari mumkin bo'ladi.