Xabarda keltirilishicha, Superliganing oltita klubida PFL oldida qarzdorlik mavjud. Bular - "So'g'diyona", "Qo'qon-1912", "Bunyodkor", "Navbahor, "Paxtakor", "Buxoro".
Lekin PFL sayti aynan qanday va qancha qarzdorlik borligi haqida ochiq yozmagan. Faqat 14 avgust soat 15:00gacha qarzlar to'liq bartaraf etilmasa bu klublardan 3 ochko olib tashlanishi haqida gap borgan. SHuningdek, 22-turdan keyin Superliga bahslaridan chetlatish mumkinligi ham keltirib o'tilgan.
Endi savol tug'iladi: modomiki gap 3 ochko olib tashlash haqida borayotgan ekan, demak bu erda jiddiy gap bor. Bu haqda PFLga murojaat qilib, yuqorida nomlari keltirib o'tilgan har bir klubning aynan qancha miqdorda qarzi borligi haqida aniq malumotga ega bo'lishga harakat qildik. Lekin raqamlar ochiq aytilmadi. Faqat mavjud qarzdorlik badal puli hamda bazi jarimalar va legionerlar uchun to'lanishi kerak bo'lgan pul ekanini malum qilishdi.
Hozirgi kunga kelib Superliganing ikkita klubi musobaqalarda ishtirok etish uchun badal pulini to'liq to'lamagan. Bu jamoalar - "So'g'diyona" va "Bunyodkor". Boshqa klublarda esa boshqa qarzdorlik mavjud. Ko'ramiz, ertaga 15:00gacha hamma qarzdorlik bartaraf etiladimi? SHundan so'ng PFLga yana murojaat qilamiz.
X.Xoliqov.
Ertaga oxirgi muddat! Soat 15:00.
/ Kiritdi: BestMaster O'qilgan: 427
Bosh sahifaga
531