“Zaxiradan maydonga tushgan futbolchilar bizga katta yordam berishdi. Korrea, Vitolo, Ximenes va Tomas ajoyib o'yin ko'rsatishdi. Hisob 2:2 bo'lgach, futbolchilarim o'yin “tempi”ni oshirib borishdi. Bizda iqtidorli futbolchilar jamlanishgan. Bugun ular har tomonlama o'zlarini ko'rsata olishdi. Ular shunday harakat qilishsa, bizda g'olib chiqish uchun ko'plab imkoniyatlar bo'ladi. Tomasning maydonga tushishi o'yinimizni o'zgartirib yubordi.
“Real” anchadan buyon evrokuboklar finalida mag'lub bo'lmayotgan edi. Biz “Real”ga qarshi finallarda o'zimiz istagan natijani qo'lga kirita olmaganmiz. CHLda biz ularni mag'lub etolmadik. Bugun g'olib chiqish nasib etdi. Bu o'zimizga bo'lgan ishonchni kuchaytiradi. Bugun biz bayram qilamiz. Ertadan boshlab “Valensiya”ga qarshi bellashuvga tayyorgarlikni boshlaymiz.
Qatorasiga ikki marta finalda yutqazganimdan so'ng ruhiy jihatdan qiyin holatga tushib qolgandim. Kelajagim haqida o'ylay boshlagandim. Ammo hozir bu haqda o'ylashning mavridi emas. Bugun g'alaba qozondingmi, sendan yaxshisi bo'lmaydi.
Biz uchrashuvni yaxshi boshladik. Kostaning tezkor goli bizga kuch berdi. Penalti – o'yinning eng kutilmagan “nuqta”si bo'ldi. SHundan keyin teng bahs kechdi. O'zgarishlar hal qiluvchi rol o'ynadi – biz yaxshiroq harakat qila boshladik.
Diskvalifikaciya? Bugun minbarda judayam sovuq edi. Yaxshi tomoni yuqoridan turib o'yinni tomosha qilish va futbolchilarning harakatlarini yaxshiroq tahlil qilish imkoniyatiga egaligim edi. Ammo sen maydonda emas ekansan, jamoa va yordamchilar bilan aloqa yo'qoladi”, dedi Simone.
Bosh sahifaga
266
