Turli yoshdagi terma jamoalarning deyarli barchasida o'ynab kelayotgan Zabihillo O'rinboev uchun Indoneziyada o'tayotgan Osiyo o'yinlari doirasidagi Qatarga qarshi bahs 30-uchrashuvi sifatida qayd etiladi.
2011 yildan buyon O'zbekiston (U17) terma jamoasida o'z ishtirokini boshlagan hujumchi o'tgan 7 yil mobaynida O'zbekistonning (U17, U19, U20, U23) turli yoshdagi terma jamoalari safida o'ynab kelmoqda.
Zabihillo O'rinboevning terma jamoa libosidagi debyut o'yini 2011 yili Yangi Zelandiyaga (U17) qarshi uchrashuvda sodir bo'lgandi.
SHu vaqt mobaynida Zabihillo O'rinboev O'zbekiston (U17) o'smirlar terma jamoasida 5, O'zbekiston yoshlar (U19, U20, U21) terma jamoasi safida jami 15 hamda O'zbekiston OTJ tarkibida 7 marotaba o'ynagan. SHuningdek, hujumchi joriy yilda O'zbekiston terma jamoasi safida (Eron, Urugvay) ikkita o'rtoqlik o'yinlarida maydonga tushdi.
Zabihillo O'rinboev turli yoshdagi terma jamoalar safida shu kunga qadar maydonga tushgan 29 uchrashuvida raqiblar darvozasini 10 marotaba ishg'ol etishni uddasidan chiqqan.
Zabihillo O'rinboev Indoneziya (U19), BAA (U19), Avstraliya (U19), Tailand (U19), Gonduras (U20), Fiji (U20), Janubiy Koreya (U23) hamda Bangladesh (U23) terma jamoalari darvozalarini "o'qqa" tutgan.
Qatarga qarshi mazkur o'yin esa OTJ terma jamoamiz sardori uchun terma jamoalar tasnifidagi yubiley 30-uchrashuvga aylandi.
Bosh sahifaga
212
