"Turnir jadvalidagi o'rindan kelib chiqadigan bo'lsak, biz uchun ham, raqiblar uchun ham o'yinning muhimligi yo'q edi. CHempionatda shunday o'yinlar bo'lmoqdaki, nima uchun o'ynayotganingni ham bilmaysan. Qolganlarni bilmadimu, men uchun shunday tuyulmoqda.
Jamoam so'nggi vaqtlarda qiyin uchrashuvlarni juda ko'p bora o'tkazdi. "Qo'qon-1912"ga qarshi uchrashuvdan keyin shogirdlarim tiklanib olishi uchun 20 soatgina vaqtga ega bo'ldi. Bizga Bundesliga futbolchilari kerak. Ular odam emas, robot.
Yana taqvim borasida so'rov. Ha, biz bu borada ko'p o'qiyapmiz, eshityapmiz. Xatolar bor, buni to'g'rilaymiz. Biroq bu uchrashuv hech kimga kerak bo'lmadi. Ikkita kerak bo'lmagan gollarni urdik. Bu raqiblarning xatosi tufayli bo'ldi.
Moliyaviy qiyinchiliklar, umuman olganda jamoada qanday muammolar bo'lishidan qati nazar "Bunyodkor" - o'zbek futbolining bayroqdor jamoasi. Ketma ket uch yildan "Bunyodkor" faqatgina akademiyadagi futbolchilariga tayanib o'yin ko'rsatmoqda. Klubni hech kim qo'llab-quvvatlamayapti. Bu sharmandalik, barcha uchun sharmandalik. Bu mening fikrlarim. SHunchaki, jamoaning ushbu holatiga qarash juda qiyin. Svetning o'chirilgani, suv berilmagani...
Bunga javob beradigan, javobgarlikni o'z bo'yniga oladigan kimdir bormi? Odamlarni uyg'otmoqchiman. Bu stadion, akademiyani qurish uchun oz mablag' ketganmi? Millionlar sarflangan. Barchamiz birgalikda qo'llab-quvvatlaylik. Buni talab qilaman. SHunchaki achinarli.
Sanjar Rashidov: "Og'ir o'yin bo'lishini kutgandik. Ochko olishga harakat qildik. Ikkita gol urgandan keyin g'alaba qozona olmaslik alamli ekan"
Bosh sahifaga
397