“Sevinch”: Oliya Axmedovaga baxt tilaymiz!
/ Kiritdi: BestMaster O'qilgan: 1971
Roman va Oliyalarning bugun baxt kechasi – nikoh to'yi bo'lib o'tdi.
“Sevinch” jamoasining markaziy himoyachisi, etti karra O'zbekiston chempioni, etti karra O'zbekiston Kubogi sohibasi, Osiyo chempioni va jamoamiz safida ko'pgina xalqaro turnirlar sovrinlari sohibasi va yana yaqinda jamoamiz safiga qaytgan Oliya Axmedovani bugun butun klubimiz rahbariyati, murabbiylar shtabi, futbolchi qizlarimiz va klubimiz xodimlari ishtirokida baxt kechasini nishonladik.
Tantanali kechaning aziz mehmonlari qatorida O'zbekistonda xizmat ko'rsatgan yoshlar murabbiyi, mamlakatimizdagi sport jurnalistlarining ustozi, o'tmishda mashhur fubol sharhlovchisi, otaxon jurnalist Ahbor Imomxo'jaev ham ishtirok etdilar, shuningdek kechada O'zbekiston Ayollar Futbol Assosaciyasidan Alisher Fayziev va bir qator taniqli sport jurnalistlari hamda “Nasaf” PFK bosh menedjeri SHamil Yarulin, “Mashal” futbol akademiyasining direktori Abdurahmon Yumangulov boshqa mehmonlar hozir bo'lishdi.
Baxt kechasida ishtirok etgan aziz mehmonlar yosh kelin-ko'yovlarni baxt kechasi bilan tabriklab eng ezgu tilaklarini bildirishdi.
Roman va Oliyalarni yana bir marta “Sevinch” PFK rahbariyati, murabbiylar shtabi, barcha futbbolchi qizlarimiz hamda xodimlarimiz nomidan bugungi nikoh va baxt kechasi bilan samimiy tabriklaymiz, ularga mustahkam sog'lik, uzoq umr tilaymiz. Kelin va ko'yovni tinch-totuv umr kechirishlarini, Axbor Imomxo'jaev aytganlaridek: “o'g'il farzand ko'rishsa “Nasaf” azosi, qiz farzand ko'rishsa “Sevinch” jamoasining o'yinchisi bo'lishini” tilakdoshimiz, ko'p farzandlar ko'rishib – baxtli ota-onalar bo'lishliklarini tilab qolamiz. Hamisha Sizlarga baxt va omad yor bo'lsin deb , qolamiz!
Quyida nikoh kechasidagi quvonchli damlarni etiboringizga havola qilamiz:
Bosh sahifaga
128