Futbolchilar xatto ikki kun mashg'ulotga ham borishmagan. Vaholanki 21 avgust kuni “Nurafshon” o'z maydonida “Zomin”ni qabul qiladi. Xo'sh, jamoadagi vaziyat o'yinga qadar ijobiy tomonga o'zagaradimi? Bu haqda “Nurafshon” bosh murabbiyi Vohid Xolboev bilan suhbatlashganimizda, quyidagilarni takidladi.
- Xaqiqatdan ham jamoamizda moliyaviy muammolar yuzaga kelgan. Bu haqda qaysi futbolchimiz saytingizga xabar qilgani ochig'i menga qorong'u. Yigitlarni ham to'g'ri tushunish kerak. Axir shu kunga qadar 1ta oylik, 5ta mukofot puli berildi xolos. Futbolchilarimiz boy-badavlat insonlarni farzandlari emas. Ular ham o'z uyiga bozordan nimadir olib borishni istaydi. Mashg'ulotga kelib-ketish uchun yo'l kiraga pul kerak. Bularning bari moddiy jihatga borib taqaladi. Lekin shunga qaramay “Nurafshon” “B” guruhida peshqadamlik qilmoqda. Qo'l ostimdagi yigitlarga doim aytaman, hozir pul olmayotgan bo'lsanglarda, mayli bor kuching bilan o'ynab, yutinglar. Oylik maoshlarni keyinroq bo'lsa ham olaslar deya tushuntiraman. Qolaversa turnir jadvalida 1-o'rinda yursak, Superliga klublarining futbolchilarimizga bo'lgan qiziqishi ortadi. SHuning uchun eng avvalo futbolni o'zlari uchun o'ynashlarini takidlayman.
- O'zingizga yaxshi malumki, “Nurafshon” jamoasi PRO-Ligada debyutant hisoblanadi. Rahbariyatda birinchi bor futbolda faoliyat yuritayotgan shaxslar o'rin olgan. SHu bois biroz tajriba kerak. Klubning bosh xomiysi tuman xokimligi sanaladi. Vaqtida hisob-raqamimizga belgilangan pullar tushishi qiyin bo'lmoqda. Lekin xarakat bo'lyapti. Menimcha “Zomin” bilan o'yinga qadar malum miqdorda oylik maoshlar beriladi.
- Murabbiy sifatida har qanday xolatda ham mavsum so'nggiga qadar “Nurafshon”da ishlamoqchiman.
- Peshqadamlik nimani hisobga bo'lmoqda? Bilasizmi mavsum arafasida jamoani PRO-Ligada ishtirok etishi aniq bo'lgach, o'zim yaxshi bilgan yigitlarni jamoasiz yurganini bilib “Nurafshon” mashg'ulotlariga taklif etdim. Agarda Superliga klubaridan taklif bo'lsa ketishlariga ruhsat berishimni, aks xolda “Nurafshon”da qolib etarli o'yin amaliyotiga ega bo'lishini aytgandim. Ularga maqul keldi va jamoamizda qolib faoliyat olib borishmoqda. Bizda ahil bir oila bor. Do'stona muhit hukmronlik qilmoqda. Nasib qilsa qarzdorliklarni yaqin orada bartaraf eta olsak, ushbu muhitni saqlab qolish oson bo'lardi.
Bosh sahifaga
450