Deyarli barcha klubda moddiy jihatdan inqiroz yuzaga kelgan. Ayrim jamoalar yuzaga kelgan qarzdorlik bo'yicha PFL tomonidan jazolandi ham. Yaqin orada yana bir jamoa chempionatdan chetlatishi mumkin.
Aniqrog'i “B” guruhi qatnashchisi “Xotira-79” jamoasining ham PFL oldidagi qarzlari ko'payib ketgan. Ismi sharifini sir saqlash sharti bilan biz bilan aloqaga chiqqan, klub rasmiysining aytishicha “Xotira-79” jamoasiga Uychi tumani xokimligi tomonidan hech qanday etibor qaratilmayapti.
Jamoaning PFLdan 40 million so'mga yaqin qarzi bor. Rahbariyat ushbu qarzdorliklarni bartaraf etish uchun PFLdan 20 avgustga qadar ruhsat olgan. Katta extimol bilan “Xotira-79” bugun PFLning hisob-raqamiga 40 million so'mni o'tkazib bera olmaydi.
Jamoa ertaga Buxoro viloyatida “Labsa” mehmoni bo'ladi. Safar uchrashuviga borgani bilan, ertaga o'yin komissari uchrashuvni o'tkazishga ruxsat bermasdan Uychi jamoasiga texnik-mag'lubiyat yozadigan bo'lsa u xolda ortiqcha sarf-xarajatga yo'l qo'yilgan bo'ladi. Bu borada hozir “Xotira-79” rahbariyatining boshi qotgan.
Ko'ramiz, “Xotira-79” rahbariyati ushbu qiyin vaziyatdan qanday chiqib ketarkin? PFLchi? Hamma klublarni barobar ko'rarmikin?
Bosh sahifaga
289