Roy Rok: "Ko'p narsa keyingi haftada hal bo'ladi"
/ Kiritdi: BestMaster O'qilgan: 981
"Nasaf" jamoasi safidagi o'yinlari orqali muxlislar mehrini qozongan slovakiyalik himoyachi Roy Rok "Nasaf"ga qaytishga qarshi emas.
Roy Rok o'tgan mavsumning ikkinchi yarmini tibbiy tekshiruvdan o'ta olmaganligi sabab o'tkazib yuborishga majbur bo'lgandi. Biz Slovakiyada bo'lib turgan tajribali himoyachining fikrlari va rejalari bilan qiziqdik.
- Salom, Roy, ishlar yaxshimi?
- O'zbekistonga mendan alangalik salom!
- Nima yangiliklar?
- Ayni paytda men erkin agent maqomiga egaman. "Nasaf" bilan o'rtadagi shartnoma tugagan. Jamoa men bilan to'liq hisob-kitobni amalga oshirgan.
- "Nasaf"dan chaqiruv bo'lyaptimi?
- Hozircha aniq bir narsa deb bo'lmaydi. Ko'p narsa keyingi haftada malum bo'lishi kerak.
- Boshqa jamoalardan ham takliflar bormi?
- Hozircha faqat "Nasaf" bilan aloqadaman. Yakunda nima bo'lishini vaqt ko'rsatadi.
- "Nasaf"da o'tgan mavsumda eng yaxshi futbolchi deb kimni ko'rsatgan bo'lardingiz?
- Edik (Erkin Boydullaev) va Ara (Artur Gevorkyan) juda kuchli futbolchilar. Aynan shu ikki futbolchi jamoaning o'yinini tashkil etishda juda muhim rolni bajarishadi. Umuman "Nasaf" jamoaviy katta kuchga ega. Barcha juda yaxshi harakatlana oladi. "Nasaf"da eng avvalo jamoa kuchli degan bo'lardim. Sababi, barcha futbolchilar juda katta mahorat va salohiyatga ega. Darvozabondan tortib hujum chizig'idagilargacha.
- Demak hammasi keyingi haftada hal bo'lishi kerak...
- Ha, yangilik bo'lishi kerak. Kutamiz.
SHahboz Beg'amov suhbatlashdi.
Bosh sahifaga
99