Birodar Abduraimov: "Alisher Usmonov "Paxtakor"ni juda yaxshi ko'radi"

Ushbu hujjatli filmda o'zbek futboli afsonasi Birodar Abduraimov o'z fikrlarini bildirgan.

"1960 yilda Sobiq Ittifoq ligasida ishtirok etishni boshladi. Klub O'zbekiston sharafini himoya qildi. Tasavvur qilayapsizmi B klassida o'ynayotgan "Paxtakor" 2 yildan so'ng Sobiq Ittifoqning kuchli olti klubidan biriga aylangandi.

Alisher Usmonovning o'zi ham sportchi bo'lgan, kuchli qilichboz edi. "Paxtakor" stadioni yonidagi bino uning uchun yoqimli tarix hisoblanadi. Sababi uning yonida qilichbozlik zali bo'lardi. Usmonov eng yaxshi yillarini shu erda o'tkazgan.

Menimcha aynan shu bois, Alisher Burxonovich "Paxtakor"ga yordam berishga qaror qildi. Bu inson ushbu jamoani juda yaxshi ko'radi", - deydi Birodar Abduraimov.