Sarri qo'l ostida "CHelsi" Premer-ligada ajoyib ravishda start oldi. Safarda "Xaddersfild" yirik 3:0 hisobida mag'lub etilgan bo'lsa, keyinchalik jamoa o'z maydonida "Arsenal"ni dog'da qoldirdi. Jamoa raqibdan mahorat bobida ham, o'yin sifatida ham anchagina ustun edi.
Italiyalik mutaxassis ikki uchrashuvga ham bir xil asosiy tarkibni tanladi.
Barchasi yaxshidek, "CHelsi"ning o'yin uslubi yaxshi. Biroq quyidagi uch futbolchi uchun emas, ular yaqin orada faoliyatini boshqa jamoalarda davom ettirishlari ham mumkin.
DENNI DRINKUOTER
Sarri jamoaga 4-3-3 taktik sxemasini olib kirdi. Mauricio APLdagi dastlabki ikki uchrashuvida Ngolo Kante – Jorjino – Ross Barkli triosini maydonga tushirdi. Endi Denni uchun qiyin damlar boshlanadi. APLning sobiq chempioni hatto Konte qo'l ostida ham asosiy tarkibga kira olmadi. Ko'pchilik "Stemford Brij"da Drinkouter-Kante juftligini kutgandi. Ammo Denni umidlarni oqlamadi.
"CHelsi" "Real"dan Mateo Kovachichni ijaraga olganidan keyin Sarri Denniga imkoniyat bermasligini tushuntirgandek. Endi londonliklar ijara muddati tugaganidan keyin xorvatiyalikni to'liqligicha sotib oladi. Britaniya matbuoti har kuni Drinkuoterning jamoadan ketishini takidlamoqda.
VIKTOR MOZES
"CHelsi"ning asosiy tarkibiga qayta olmayotgan yana bir futbolchi. O'tgan mavsumda u "CHelsi"ning asosiy futbolchilaridan biri bo'lgandi. Biroq Sarri bir necha o'zgarishlarga qo'l urdi. U markazga David Luisni qaytardi va Sesar Aspilikueta o'ziga noqulay nuqtada o'ynayverishiga nuqta qo'ydi. Ispaniyalik o'ng qanotga o'tdi: endi "CHelsi" himoyasi yana 4 kishidan tashkil topadi. Mozesda esa himoyaviy aspektlari unchalik yaxshi emas. U endi o'ziga yangi jamoa izlasa ham bo'ladi.
Sarri o'z g'oyalaridan chekinmaydi va Aspilikuetani asosiy tarkibga qo'yishda davom etadi. Biroq uning o'rniga Viktorni maydonga tashlashi mumkinmi? Juda bahsli holat.
GARI KEXILL
Uni jamoaning "qariya"si desa ham bo'ladi. Gari faoliyatidagi kichik pasayish davrini o'tkazmoqda. Ikki mavsum oldin u "CHelsi" va Angliya termasi tarkibida o'zgartirilmas futbolchilardan biri edi. Solishtirish uchun:
2016/17 mavsum – APLda 37 uchrashuv
2017/18 mavsum – APLda 27 uchrashuv
Sarri qo'l ostida - ?
Gari London jamoasida qolishi ham so'roq ostida. Biroq Sarri o'zi uchun asosiy tarkibda tushadigan markaziy himoyachilarni aniqlab olgan: Ryudiger-Luis. SHuningdek, yosh va g'ayratli Kristensen ham bor. Kexill uzog'i bilan zaxiradan maydonga tushishi mumkin.
Bosh sahifaga
388