Ikki davradan iborat bo'lgan chempionatning dastlabki bosqichi yakunlandi. O'tkazilgan 22 tur davomida barqaror o'ynagan futbolchilar orasidan eng yaxshilar tanlab olindi. Jurnalistlar o'rtasida tashkil qilingan so'rovnomada "Eng yaxshi futbolchi", "Eng yaxshi murabbiy" va "Eng yaxshi darvozabon" nominaciyalari g'oliblari aniqlandi.
Superliganing 1-bosqichi yakunlariga ko'ra, chempionat o'yinlarini muntazam kuzatib hamda yoritib borgan "Championat.asia" va "Sport" kanali jurnalistlari o'rtasida o'tkazilgan so'rovnoma natijalarini elon qilamiz.
O'tkazilgan so'rovnomaga ko'ra, "Paxtakor" darvozaboni Eldorbek Suyunov 53 ball to'plagan holda katta ustunlik bilan birinchi o'rinni qo'lga kiritdi. Ikkinchi o'rin esa "Qo'qon-1912" kiperi O'tkir Yusupovga (32 ball) nasib etdi. "Navbahor" darvozaboni Botirali Ergashev esa 26 ball to'plagan holda uchinchi pog'onanini band etdi. Nomzodlar orasida bo'lgan "Nasaf" posboni Sanjar Quvvatov esa 7 ball to'plagan holda to'rtinchi bo'ldi. Nomzodlar qatorida bo'lgan "Qizilqum" kiperi Evgeniy CHeremisinni esa hech bir jurnalist "uchtalik"ka kiritmadi.
Kim kimga ovoz berdi?
| # | jurnalist | 1-o'rin | 2-o'rin | 3-o'rin |
1 | Narzulla Saydullaev | Eldorbek Suyunov | O'tkir Yusupov | Sanjar Quvvatov |
2 | Tolibjon Qosimov | Eldorbek Suyunov | O'tkir Yusupov | Botirali Ergashev |
3 | Xayrulla Xoliqov | Eldorbek Suyunov | O'tkir Yusupov | Sanjar Quvvatov |
4 | SHahboz Beg'amov | Eldorbek Suyunov | O'tkir Yusupov | Botirali Ergashev |
5 | Eldor Mustafoev | Eldorbek Suyunov | Botirali Ergashev | O'tkir Yusupov |
6 | Xayrulla Hamidov | Botirali Ergashev | Eldorbek Suyunov | O'tkir Yusupov |
7 | Farruh Rasulov | O'tkir Yusupov | Eldorbek Suyunov | Botirali Ergashev |
8 | Murod Rizaev | Eldorbek Suyunov | Botirali Ergashev | O'tkir Yusupov |
9 | Jamoliddin Bobojonov | O'tkir Yusupov | Botirali Ergashev | Eldorbek Suyunov |
10 | Abdulla No'rmonov | Eldorbek Suyunov | Botirali Ergashev | O'tkir Yusupov |
11 | Dilshodbek To'xtabekov | Eldorbek Suyunov | Botirali Ergashev | - |
12 | Madina Ametova | Eldorbek Suyunov | Sanjar Quvvatov | O'tkir Yusupov |
P.S. Birinchi o'rin - 5 ball, ikkinchi o'rin - 3 ball, uchinchi o'rin - 2 balldan hisoblanadi.
Eng yaxshi darvozabon laureati uchun nomzodlarning Superligadagi statistikasi:
1. Eldorbek Suyunov ("Paxtakor") — 22 uchrashuv, (-12), 11 quruq o'yin, 36 seyv, 1 assist
2. O'tkir Yusupov ("Qo'qon-1912") — 22 uchrashuv, (-20), 6 quruq o'yin, 44 seyv
3. Botirali Ergashev ("Navbahor") — 12 uchrashuv, (-8), 7 quruq o'yin, 22 seyv
4. Sanjar Quvvatov ("Nasaf") — 19 uchrashuv, (-20), 8 quruq o'yin, 31 seyv
5. Evgeniy CHeremisin ("Qizilqum") — 16 uchrashuv, (-18), 7 quruq o'yin, 28 seyv
Eng yaxshi darvozabon deb topilgan Eldorbek Suyunov "PFLMANAGER.UZ"da darvozabonlar orasida eng ko'p ochko (99) to'plagan kiper bo'ldi. "PFLMANAGER.UZ"ning umumiy jadvalida esa faqatgina hujumkor vinger Tiago Bezerra undan ko'proq ochko to'pladi. 
Bosh sahifaga
1335