Ikki davradan iborat bo'lgan chempionatning dastlabki bosqichi yakunlandi. O'tkazilgan 22 tur davomida barqaror o'ynagan futbolchilar orasidan eng yaxshilar tanlab olindi. Jurnalistlar o'rtasida tashkil qilingan so'rovnomada "Eng yaxshi futbolchi", "Eng yaxshi murabbiy" va "Eng yaxshi darvozabon" nominaciyalari g'oliblari aniqlandi.
Superliganing 1-bosqichi yakunlariga ko'ra, chempionat o'yinlarini muntazam kuzatib hamda yoritib borgan "Championat.asia" va "Sport" kanali jurnalistlari o'rtasida o'tkazilgan so'rovnoma natijalarini elon qilamiz.
O'tkazilgan so'rovnomaga ko'ra, "Bunyodkor" sardori, jamoa tayanch yarim himoyachisi Javlon Ibrohimov 32 ball to'plagan holda birinchi bo'ldi. Ikkinchi o'rin esa "Paxtakor"ning hujumkor vingeri Tiago Bezerraga (25 ball) nasib etdi. So'rovnomada 24 ball to'plagan "Qizilqum" legioneri Elguja Grigalashvili uchinchi pog'onanini band etdi. Nomzodlar orasida bo'lgan "Bunyodkor"ning markaziy yarim himoyachisi Sardor Sobirxo'jaev esa 20 ball to'plagan holda to'rtinchi bo'ldi. "Paxtakor" himoyachisi SHerzod Azamov 10 ball bilan kuchli-beshtalikni yakunlab berdi. "Lokomotiv"ning tayanch yarim himoyachisi Sadriddin Abdullaev esa 5 ball bilan oltinchi pog'onani band etdi. "Metallurg"ning hujumkor vingeri Islom Isoqjonov hamda "Lokomotiv" yarim himoyachisi Sanjar SHoahmedov 2 balldan to'plashdi. Nomzodlar qatorida bo'lgan "Navbahor" futbolchisi Azam Alievni hech bir jurnalist "uchtalik"ka kiritmadi.
SHu tariqa "Bunyodkor" sardori Javlon Ibrohimov Superliga 1-bosqichining eng yaxshi futbolchisi deb tan olindi.
Kim kimga ovoz berdi?
# | jurnalist | 1 | 2 | 3 |
1 | Narzulla Saydullaev | Javlon Ibrohimov | Tiago Bezerra | Elguja Grigalashvili |
2 | Tolibjon Qosimov | Sardor Sobirxo'jaev | Tiago Bezerra | Javlon Ibrohimov |
3 | Xayrulla Xoliqov | Javlon Ibrohimov | Tiago Bezerra | SHerzod Azamov |
4 | SHahboz Beg'amov | Elguja Grigalashvili | Sardor Sobirxo'jaev | SHerzod Azamov |
5 | Eldor Mustafoev | Sadriddin Abdullaev | Javlon Ibrohimov | Sardor Sobirxo'jaev |
6 | Xayrulla Hamidov | Tiago Bezerra | SHerzod Azamov | Elguja Grigalashvili |
7 | Farruh Rasulov | Sardor Sobirxo'jaev | Elguja Grigalashvili | Tiago Bezerra |
8 | Murod Rizaev | Elguja Grigalashvili | Tiago Bezerra | Javlon Ibrohimov |
9 | Jamoliddin Bobojonov | Sardor Sobirxo'jaev | SHerzod Azamov | Elguja Grigalashvili |
10 | Abdulla No'rmonov | Javlon Ibrohimov | Elguja Grigalashvili | Islom Isoqjonov |
11 | Dilshodbek To'xtabekov | Javlon Ibrohimov | Tiago Tezerra | Sanjar SHoahmedov |
12 | Madina Ametova | Javlon Ibrohimov | Tiago Bezerra | Elguja Grigalashvili |
Eng yaxshi futbolchi laureati uchun nomzodlar:
Javlon Ibrohimov ("Bunyodkor", tayanch yarim himoyachi) — 19 o'yin, 10 gol, 1 assist
Tiago Bezerra ("Paxtakor", hujumkor vinger) — 21 o'yin, 10 gol, 3 assist, 1 samarali harakat
Elguja Grigalashvili ("Qizilqum", hujumkor vinger) — 21 o'yin, 7 gol, 3 assist, 2 samarali harakat
Sardor Sobirxo'jaev ("Bunyodkor", markaziy yarim himoyachi) — 20 o'yin, 1 gol, 10 assist
SHerzod Azamov ("Paxtakor", markaziy himoyachi) — 20 o'yin, 1 gol, 1 assist, 10 quruq o'yin
Sadriddin Abdullaev ("Lokomotiv", tayanch yarim himoyachi) — 17 o'yin, 1 gol, 2 assist
Islom Isoqjonov ("Metallurg", hujumkor vinger) — 19 o'yin, 6 gol, 3 assist
Sanjar SHoahmedov ("Lokomotiv", yarim himoyachi) — 20 o'yin, 3 gol, 3 assist
Azam Aliev ("Navbahor", tayanch yarim himoyachi) — 22 o'yin, 4 assist
Bosh sahifaga
215
