O'yin dramatik scenariy ostida o'tdi. Dastlabki daqiqalarni faol boshlagan "Bavariya"ning ilk hujumlarini "Xoffenxaym" futbolchilari bartaraf etishni uddasidan chiqishdi. Lekin uchrashuvning 23-daqiqasida burchak zarbasi mezbonlarga omad keltirdi. Joshua Kimmixning to'p oshirishidan so'ng himoyachilar nazaridan chetda qolgan Myuller Bundesliganing yangi mavsumidagi dastlabki golni kiritdi. Birinchi bo'limda boshqa kiritilmadi. Ammo taym birgina gol bilan yodda qolmadi, aksincha "Xoffenxaym" himoyachisi SHulcning Komanga etkazgan jarohati birinchi bo'limning eng kulminacion nuqtasi bo'ldi. Qanotdan navbatdagi reydni uyushtirayotgan Kingsli Koman raqib himoyachisi SHulcning oyoqqa tashlanishidan so'ng o'yinni davom ettira olmadi. Natijada o'tgan mavsumning hal qiluvchi pallasini va JCHni jarohati bois o'tkazib yuborgan Koman yana maydonni tark etishga majbur bo'ldi.
O'yinda juda qo'pol harakat "Xoffenxaym" futbolchilarining agressiv harakatlari tufayli ikkinchi taymda ham yana bir futbolchi maydonni erta tark etishiga to'g'ri keldi. Bu safar "Xoffenxaym" darvozaboni Baumann o'z jamoadoshi Fogtga jarohat etkazdi. Mehmonlar sardori ham maydonni shifokorlar yordami ostida tark etishga majbur bo'ldi. Bu esa yakunda "Xoffenxaym"ga qimmatga tushdi.
Himoya qurg'oni va jamoa sardori Fogt o'rniga tushgan Nordtveyt jarima maydonchasi ichida Riberiga nisbatan qoidani buzdi va "Bavariya" penalti tepish huquqini qo'lga kiritdi. Robert Levandovskining "nuqta"dan yo'llagan zarbasini Baumann bartaraf etdi, ammo qaytgan to'pni Robben barchadan ildamroq harakat qilib darvozaga joylab qo'ydi. Ammo "Xoffenxaym" futbolchilarining etirozlaridan so'ng hakam VARga murojaat qildi va takroriy lavhada Robben penalti tepilishidan ancha oldin jarima maydonchasiga yugurib kirganini ko'rdi. Natijada Robbenning goli bekor qilinib, penalti qayta tepildi. Levandovski ikkinchi urinishda adashmadi va Baumann darvozasini ishg'ol etishni uddaladi. Goldan ruhlangan "Bavariya" yana oldinga o'tdi va zaxiradan maydonga tushgan Goreckaning uzoqdan tepgan to'pi yo'l-yo'lakay Myullerning qo'liga tegib, rikoshet orqali darvozadan o'rin oldi. Ammo "Xoffenxaym" futbolchilarining bu vaziyat bo'yicha etirozlaridan so'ng hakam yana VARga yuzlandi va to'p haqiqatdan ham Myullerning qo'liga tekkanini ko'rdi. "Bavariya"ning uchrashuvdagi to'rtinchi, bekor qilingan ikkinchi goli ham inobatga olinmadi. Ammo "Bavariya" hakamning final xushtagi yangrashuncha baribir o'zining uchrashuvdagi haqqoniy uchinchi golini urishga ulgurdi. Kimmix-Myuller-Robben "trio"sining yon chiziqdan o'ylangan kombinaciyasidan so'ng Aren baribir o'z maqsadiga erishdi va uchrashuvdagi yakuniy hisobni o'rnatdi - 3:1.
SHunday qilib, "Bavariya" Niko Kovach qo'l ostida Bundesliga va "Alyanc Arena"dagi debyutini g'alaba bilan nishonladi.
Bundesliga, 1-tur.
"Bavariya" – "Xoffenxaym" 3:1
24 avgust, 23.30, "Alyanc-Arena"
Gollar: 1:0 – 23 Myuller, 1:1 – 57 Salai, 2:1 – 82, penalti Levandovski, 3:1 – 90 Robben.
"Bavariya": Noyer, Zyule, Alaba, Kimmix, Boateng, Koman (Robben, 45), Martines (Goretcka, 67), Alkantara, Riberi (Xames, 83), Levandovski, Myuller.
"Xoffenxaym": Baumann, Bichakchich, Fogt (Nordtveyt, 74), Adams (Akpoguma, 67), SHulc, Grifo (Cuber, 46), Bitenkur, Grillich, Kaderjabek, Joelinton, Salai.
Ogohlantirish: Adams (21), Bitenkur (29), Kaderjabek (43), SHulc (45), Myuller (45).
 Bayern Munich Thomas Mueller - 23', Robert Lewandowski - 82', Arjen Robben - 90' | 1. Bundesliga . 1-tur 24/08/2018, 23:35 1 : 3 Tugadi |  Hoffenheim Adam Szalai - 57' |
Stadion: Allianz Arena, 75000 tomoshabin
Bosh hakam: Bastian Dankert
Bosh sahifaga
211
