O'zbekiston professional futbol ligasining Superliga o'yinlariga kirish huquqini beruvchi akkreditaciyasiga ega bo'lgan jurnalistlar Suriya va Eronga qarshi o'rtoqlik o'yinlari uchun akkreditaciyaga hujjat topshirishlari shart emas. Ular O'zbekiston – Suriya uchrashuvidan oldin tashkil qilinadigan matbuot anjumanida PFL akkreditaciyasini ko'rsatgan holda o'rtoqlik o'yinlari uchun chiqarilgan akkreditaciyani olishlari mumkin.
PFL akkreditaciyasiga ega bo'lmagan, ammo o'rtoqlik uchrashuvlarini bevosita stadionning o'zida yoritishni maqsad qilgan barcha turdagi OAV vakillari o'z tashkilotlari nomidan rasmiy blankadagi xatni va jurnalistlar ro'yxatini 1 sentyabr kuniga qadar O'FA matbuot xizmati elektron pochtasiga ([email protected]) jo'natishlari talab etiladi.
Eslatib o'tamiz, Ektor Kuper boshchiligidagi O'zbekiston terma jamoasi 6 sentyabr kuni Suriya, 11 sentyabr kuni Eronga qarshi o'ynaydi.
Bosh sahifaga
217