- Avvalambor, “Dinamo” jamoasini g'alaba bilan tabriklayman. Jamoamizdagi barcha yigitlarga esa o'yinning oxirigacha kurashganliklari uchun minnatdorchilik bildiraman. Afsuski, futbolda omadsizliklar bo'lib turadi. Bugun yutsang, ertaga yutqazasan. Bu futbol. SHogirdlarimga o'yin davomida kurashganliklari va 200 foiz kuch bilan harakat qilganliklari uchun rahmat deyman. Endi navbatdagi o'yinda tayyorgarlik ko'ramiz.
Birinchi bo'limdan keyin 0:1 hisobida yutayotganimizda, futbolchilarimga himoyaga yotib olmay, raqibni qarshi hujumda jazolash lozimligiga ko'rsatma bergandim. Yigitlar oxirigacha yaxshi himoyalanishdi. O'yin juda asabiy va kurashlar ostida kechgani uchun ham maydonda qo'polliklar va jazolanishlar ko'p bo'ldi.
Klubimizga rahbariyat tomonidan imkonqadar yaxshi etibor qaratilmoqda. Jamoamizning maqsad va vazifalari haqida gapiradigan bo'lsam, hozirda mahalliy yoshlarga ko'proq etibor qaratayapmiz. Vazifamiz esa “Xorazm” har bir o'yinda g'alaba qozonib, muxlislarni xursand etishi uchun intiladi.
Mavsumning ikkinchi qismida “A” guruhida o'zgarishlar katta bo'ldi. Ayniqsa, “Dinamo” tarkibi ancha kuchaytirildi. Qolaversa, barcha jamoalar o'zaro o'yinlarda bir-birini engishi mumkinligini oxirgi turlar ko'rsatmoqda. Fikrimcha, Pro-Liga bahslari oxirigacha mana shunday shiddatli kurashlar ostida o'tadi.
Bosh sahifaga
277