Malumotlarga ko'ra, nemis jamoasi Rossiyadagi mundialda ikkiga bo'linib olgan ekan. Birinchisida kelib chiqishi boshqa mamlakatdan bo'lgan futbolchilar Jerom Boateng, Mesut Ozil va Ilkay Gyundogan bo'lgan. Ikkinchisida esa haqiqiy nemislar: Tomas Myuller, Mats Xummels va boshqalar. Birinchi guruhdagilar narigi guruhni "kartoshka" deb atashgan, bu kulgili nomni turklar nemislarga nisbatan ishlatadi. Ikkinchi guruhdagilar "chet elliklar"ga "kanake" deb nom qo'yishgan. Nemislar kelib chiqishi boshqa mamlakatdan bo'lganlarni "kanake" (haqoratli so'z) deyishadi.
Myuller jamoadoshlarining o'zini tutishi, suhbatlashishi va hayot tarzi ustidan kulgan. Germaniya terma jamoasining chet ellik vakillari rep-musiqa eshitishadi, qimmatbaho buyumlar va sport mashinalarini yoqtirishadi, nemislar esa sokinroq hayot tarzini maqul ko'rishadi.
Ikkala guruh ham jamoa bosh murabbiyi Yoaxim Lyov harakatlaridan norozi bo'lishgan. "CHet elliklar"ga Leroy Sane, nemislarga esa Sandro Vagner mundialga bormagani yoqmagan.
Eslatib o'tamiz, Germaniya terma jamoasi tarixda birinchi marta guruh bosqichini muvaffaqiyatsiz yakunladi.
Bosh sahifaga
357